شێرپەنجەی دینا و میرا  بە ئاوازی هەڵكەوت زاهیر بڵاوبوویەوە

شێرپەنجەی دینا و میرا بە ئاوازی هەڵكەوت زاهیر بڵاوبوویەوە

ئا:هۆژین شەوكەت دری: بە خەندەیەك بیسەلمێنە خۆڕاگری خۆت بنوێنە، هێز و توانات وەك چیایە چۆك بە شیرپەنجە دابێنە، ئەمە بەشی سەرەتای نوێترین بەرهەمی هەردوو هونەرمەندی گۆرانیبێژ دینا و میرایە كە بە شێوەی ڤیدیۆ كلیپ بڵاوكرایەوە.
دوای بەشداری كردنیان لە پرۆگرامێكی پێشبركێی یەكێك لە كەناڵە كوردیەكان و بردنەوەی بڕێك پارە لەلایەن گرووپەكەی ئاوازدانەر هەڵكەوت زاهیر هەر لەناو پرۆگرامەكەدا بەڵێنیان دا بەو پارەیە كلیپێك بۆ تووشبووانی نەخۆشی شێرپەنجە درووست بكەن، دوای ماوەیەكی كەم لە پێدانی ئەم بڕە پارەیە ڤیدیۆ كلیپی شێرپەنجەی دینا و میرا بڵاوكرایەوە.
ئەم گۆرانیە تێكستەكەی لەڵایەن نەوژین سۆرانەوە نووسراوە، هەڵكەوت زاهیر ئاوازەكەی بۆ داناوە دابەش كردنی لەڵایەن رێناسەوە بووە، كاری دەرهێنانی كلیپەكەش بڕیار فەتاح بۆی كردووە، لە شاری سلێمانی كاری دەرهێنانی ڤیدیۆ ئەنجامدراوە، باس لە تووشبوانی شێرپەنجە دەكات زۆربەی تێكستی گۆرانیەكە گەڕاندنەوەی هیوایە بۆ نەخۆشانی تووشبووی شێرپەنجە و دروشمی ئێمە لە شێرپەنجە بەهیزترین .
میرا و دینا، هەڵكەوت زاهیرماوەیەكی زۆر درێژە هەر لە سەرەتای دەستپێكردنیان بە كاری هونەری كارە هونەریەكانیان بۆ دەكات، خاوەنی چەندین گۆرانی و ڤیدیۆ كلیپی جیاوازن، ئەم ڤیدیۆ كلیپە یەكەم بەرهەمی هونەری ئەم هونەرمەندانەیە بۆ ساڵی 2020 بڵاویان كردووتەوە.
لە ڤیدیۆ كلیپەكەدا پەیامنێری دیاری هونەری دلێر تێلی كە یەكێكە لە تووشبووانی نەخۆشی شێرپەنجە وەك ئەكتەرێك رۆڵ دەبینێت و پەیامی "ئەم ژ شێرپەنجێ بهێزترین" بڵاودەكاتەوە.

 

 

 

 

زۆرترین بینراو