زاری كرمانجی : شارەزایەكا كاروبارێن ئافرەتان ئاماژێ‌ ب وێ‌ چەندێ‌ ددەت كۆ زێدە بۆنا رێژا ژێككەڤەبۆنا ژن و مێران ژ ئەنجامێ‌ شاش ئاڤاكرنا ژیانا هەڤژینیێ‌ یە د هەماندەمدا نەزانین و نەشارەزایی ل چارەكرنا ئاریشێن جڤاكی بۆیە ئەگەر كۆ رەوشا وان پتر تێك بچیت .
عایشا عەلی، شارەزا ل كاروبارێن ئافرەتان بۆ زاری كرمانجی راگەهاند : دەما كچ و كور دخوازن ژیانا هەڤژینیێ‌ پێك بینن و خێزان لسەر بناغەیەكێ‌ راست و دروست نەهێتە ئاڤاكرن ، پتر لسەر بنەمایێ‌ سامانێ‌ دونیایێ‌ و زێرا بهێتە ئاڤاكرن یان ژ یەكێ‌ زوو تێكناگەهن و دەوروبەر دەستوەردانێ‌ دكەن و لەورا ژی تووشی ئاریشەیان دبن و ل دووماهیێ‌ ژ دەست دەردكەڤیت ل دادگەهێ‌ ب ژێكڤەبوونێ‌ دهێنە چارەسەركرن ، نەشارەزایی ژ چارەكرنا ئاریشێن ئێك دبیتە سەدەمێ‌ پتر ئالوزبۆنا پەیوەندیان خێزان ستونەكا مەزنە و پێدڤییە پیرۆزیێن خێزانی بهێنە پاراستن نوكە رێژا ژێكڤەبۆنی زۆر تر بۆیە ژ ئەنجامێن تێكنەگەهشتنێ‌ و شاش ئاڤاكرنا بناغەیێ‌ هەڤژینیێ‌، رەوشا ئابووری كاریگەری لسەر جڤاكی هەمیێ‌ دكەت پرانیا ژێكڤەبوونا ژن و مێران ژی رەوشا خرابا ئابووری بوویە.
گوتژی : گەنج دینەمو و هێزا هەر میللەتەكێ‌ پێشكەفتی یە ئەنجامێ‌ تاكەكێ‌ رۆشنبیرو سەركەفتیە دوو هۆكار هەنە پێدڤیە دەستهەڵات دەلیڤێن كاری زێدەتر پەیدا بكەت  پێشینەیا هەڤژینیێ‌ و خانووبەران دروست بكەت و خاڵا دووێ‌ پێدڤیە گەنج خو ئاڤا بكەت و خو پێ‌ بگەهینیت و دروست بكەت پەنایێ‌ بۆ خۆ كۆشتنێ‌ نەبەت و دەمەكە ب مخابنی ڤە رێژا خۆ كۆشتنێ‌ زێدەبۆیە دناڤ گەنجاندا.