عێراق بەیانی لە یاریێكی چارەنووسسازدا رووبەرووی بەحرێن دەبێتەوە

عێراق بەیانی لە یاریێكی چارەنووسسازدا رووبەرووی بەحرێن دەبێتەوە

زاری كرمانجی-ئاژانسە هەواڵە وەرزشیەكان: دوای ئەوەی پێنجشەممەی رابردوو هەڵبژاردەی عێراق لە میانەی پاڵاوتنە جووتەكەی گەیشتن بە مۆندیالی 2022 و جامی ئاسیا 2023 لە قۆناغی چوون سەركەوتنێكی گرنگی بەدەستهێنا بە بردنەوەی لە هەڵبژاردەی ئێران بە ئەنجامی 2-1, كۆی خاڵەكانی گەیاندە 10 خاڵ و بە جیاوازی دوو خاڵ لەگەڵ هەڵبژاردەی بەحرێن لە سەرووی ریزبەندی كۆمەڵەی سێیەم دێت كە پێكهاتوون لە هەڵبژاردەكانی (عێراق, بەحرێن, ئێران, هۆنگكۆنگ و كەمبۆدیا), ئەمەو عێراقیەكان لە كۆی چوار یاری رابردوو 3 بردنەوە و یەكسانێكی هەیە, 9 گۆڵی تۆماركردووەو تەنها دوو گۆڵی لێبووە, بەحرێن بە 8 خاڵ لە پلەی دووەمەو ئێران بە 6 خاڵ پلەی سێیەمی گرتووەو پلەكانی چوارەم و پێنجەمیش بۆ هۆنگكۆنگ و كەمبۆدیان.
بەیانی سێشەممە یاری داهاتووی عێراق لەگەڵ بەحرێنەو گرنگی ئەم یارییە لەمەدایە ئەگەر سەركەوتن بەدەسبێنێ, تا راددەیەكی زۆر گەیشتن بە قۆناغی دووەم مسۆگەر دەگات, چونكە سێ یاری داهاتووی لەگەڵ هۆنگكۆنگ 31-3-2020 و كەمبۆدیا 4-6-2020 و ئێران 9-6-2020, پێشتریش لەیەكەم یاریدا بە ئەنجامی 1-1 لەناو مەنامەی پایتەختی بەحرێن یەكسان بوو, 2-0 لە هۆنگكۆنگی بردەوەو 4-0 لە كەمبمۆدیای بردەوە, جێ ئاماژە پێكردنە بەهۆی باری نائاسیی بارودۆخی ئەمنی عێراق فیفا بڕیاریدا یارییەكانی هەڵبژاردەی عێراق لە دەرەوەی یاریگەی ئەنجام بدات و یەكێتی تۆپی پێی عێراقیش وڵاتی ئوردەنی دراوسێی دەستنیشانكرد وەك یاریگەی خۆی.
لە پاڵاوتنەكە 40 هەڵبژاردە بەشدارن و بەسەر 8 كۆمەڵە دابەشكراون, لە كۆتاییدا یەكەمی هەر كۆمەڵەیەك كە ژمارەیان 8 هەڵبژاردەن دەگەنە قۆناغی دووەمی پاڵاوتنی جامی جیهانی 2022 ی قەتەڕ, لەوێ چوار یان پێنج هەڵبژاردە دەگەنە كۆتاییەكانی مۆندیالی 2022 ی قەتەر, لە هەمان كاتدا راستەوخۆ دەگەنە كۆتاییەكانی جامی ئاسیا 2023 ی چین, 8 هەڵبژاردە دووەكانی پاڵاوتنی جامی جیهانی 2022 راستەوخۆ دەچنە پاڵاوتنی قۆناغی دووەمی جامی ئاسیا.

زۆرترین بینراو