عەلی پێشەوا قازی: تا دوا ھەناسە لەپێناو بەرزی ئاڵای كوردستان تێدەكۆشین

عەلی پێشەوا قازی: تا دوا ھەناسە لەپێناو بەرزی ئاڵای كوردستان تێدەكۆشین

زاری كرمانجی - عەلی پێشەوا قازی محەممەد، كوڕی سەرۆككۆماری كوردستان (پێشەوا قازی) سەرۆكۆنەی سوتاندنی ئاڵای كوردستان و بارەگای لقی پارتی لە بەغدا دەكات و رایدەگەیەنێت، باوكم و ھەزاران كوردی دیكە گیانیان فیدای ئاڵای كوردستان كردووە، تا دواھەناسە لەپێناو بەرزی و شەكاوەی ئاڵای كوردستان تێدەكۆشین.

عەلی پێشەوا قازی محەممەد لە پەیامێكدا نووسیویەتی: "سوتاندن و بێڕێزی کردن به ئاڵای پیرۆزی کوردستان کە سیمبۆلی نەتەوەکەمانە و هێرش و وێران کردنی بارەگای لقی 5ی پارتی دیموکراتی کوردستان له شاری بەغدا بەدەست نەیارانی گەلەکەمان، بە توندی مەحکوم دەکەم و تا دوایین هەناسەم تێدەکۆشم کە هەر بەرز و شەکاوە بمێنی ئەو ئاڵایەی کە مەرحومی باوکم پێشەوا قازی محەممەد و هەزاران شەهیدی تری نیشتمانم گیانیان فیدای کردووە، هیوادرم گەلی کورد لەو رووداوە دڵتەزێنانە پەند وەرگرێ و پشت بە بێگانان نەبەستێ و بزانێ کە غەیری خۆمان کەس دڵسۆزمان نییه".

زۆرترین بینراو