فڕێدانی جوجەڵە لە گەلی عەلی بەگ نیگەرانی ژینگە پارێزانی لێكەدەكەوێتەوە

فڕێدانی جوجەڵە لە گەلی عەلی بەگ نیگەرانی ژینگە پارێزانی لێكەدەكەوێتەوە

زاری كرمانجی-سۆران: كەسانێك ژمارەیەكی زۆری جوجەڵەیان لە قەراغ روباری گەلی عەلی بەگ لە زارگەلی فڕێداون، رێكخراوێكی ژینگە پارێزیش راگەیاندراوێكی ناڕەزای بڵاودەكاتەوە.
هەژار ماهیر ئێدلبی، سەرۆكی رێكخراوی وار بۆ پاراستنی ژینگە، لە راگەیاندراوێكیدا ئەوەی خستۆتە روو " ئاگاداركراینەوە كە رێژەیەكی یەكجار زۆر لە جوجەڵەی بچووكی مریشك، فرێ دراونەتە ناو روبار و قەراغ روباری زارگەلی لە گەلی عەلی بەگ، ئەمەش بە كارێكی ناشیاو دەزانین و وەك رێكخراوی وار بۆ پاراستنی ژینگە، ئیدانەی ئەو كارە نامرۆڤانە دەكەین، نازانین ئەوە چ جۆرە مرۆڤێكن بەم گەرمای هاوینە بەم شێوەیە جوجەڵەی وا بچوك لەم شوێنە فڕێدەدەن و مەترسی لەسەر ژیانیان دروست دەكەن.
لەبەشێكی دیكەی راگەیاندراوەكەدا "داواكارن لە لایەنە پەیوەندارەكان بەدواداچوونی جددی بۆ ئەم بابەتە بكەن و لێكوڵینەوە لەم دیاردەیە بكەن و هۆكارەكەی روون بكەنەوە، ئایا هۆكاری فڕێدانی جوجەڵە لە شوێنەكە بۆچی دەگەڕێتەوە.

زۆرترین بینراو