فەرماندەی سوپای پاسداران رایگەیاند لە جەنگ ناترسن

فەرماندەی سوپای پاسداران رایگەیاند لە جەنگ ناترسن


سەركردەباڵاكانی و فەرماندە سەربازییەكانی ئێرانی بەردەوام لە پەنای بڵاو كردنەوەی هەڕشەكانیان باسی لەوە دەكەن كە ئێمە جەنگمان ناوێت، بەڵام ئەگەر جەنگمان پێ فرۆشن، ئەوە وەڵامێكی كەمر شكێنمان دەبێت.
لە لای خۆیەوە، فەرماندەی سوپای پاسدارانی ئێران رایگەیاند " ئێران جەنگی ناوێت، بەڵام لێشی ناترسێت، ئێران توانای ئەوەی هەیە ناوچەكە بەرانبەر بە دوژمن بكات بە پارچەیەك لە ئاگر".
حوسێن سەلامی، فەرماندەی سوپای پاسدارانی ئێران رایگەیاند "جیاوازی نێوان ئێمە و ئەوان ئەوەیە ئەوان لە جەنگ دەترسن و ویستی تەواویان بۆ شەڕ نییە، ئێران لە ڕووبەڕووی دوژمنێكی بەرەواڵەت بەهێز بۆتەوە، بەڵام لەناوەوەدا لێكداڕزیوە".
فەرماندەی سوپای پاسداران زیاتر گووتی" ڕووبەڕووی دوژمنێك دەبینەوە كە لە بە شكلی بەهێزە دەردەكەوێت، بەڵام لەناوخۆیدا داڕزیوە لە ناوەوەدا فشاڵ و خۆنەگرە".
سەلامی هەڕەشەی ئەوەشی كرد " لەكاتێكی نزیكدا پایەكانی ئەو هێزەی لە رواڵەتدا زەبەلاحە تێكدەشكێنین، چونكە ئەوان هەست بە شەكەتی و نائومێدی دەكەن و لەدەرچەیەك دەگەرێن لێیەوە بگەڕێنەوە".
ئەو فەرماندە بالایەی سەربازی ئێران رووی دەمی لە ئێسرائیل كردو گووتی" ئیسرائیل خۆی بێدەنگ كردووە، لەبەر ئەوەی دەزانێت ئەگەر ویلاتە یەكگرتووەكان هێرش بكاتە سەر ئێران، ئەو وڵاتەش دەبێتە گۆرەپانی جەنگ".

زۆرترین بینراو