فەلسەفەی ”هەگبەی زانین“ی د. ساماڵ مانیی گەیشتە ڕۆژهەڵاتی كوردستان

فەلسەفەی ”هەگبەی زانین“ی د. ساماڵ مانیی گەیشتە ڕۆژهەڵاتی كوردستان

 

نوسەر: د. ساماڵ مانیی
مژار: فەلسەفە
وەشاندن: كتێبخانەی مادیار
كتێبی یەكەم و دووەمی ”هەگبەی زانین“ پار لە باشوری كوردستان بڵاوكرانەوە، ئەمساڵ گەیشتنە رۆژهەڵاتی كوردستان و لە چاپدرانەوە و بڵاو دەكرێنەوە.
هەگبەی زانین، پڕۆژە نوسینێكی فەلسەفی د. ساماڵ مانییە، لە سێ كتێب پێكهاتبوون و ساڵی پار (٢٠١٨) دوو كتێبیان لە هەرێمی كوردستان بڵاو كرانەوە، بابەتەكانی هەرسێ كتێبەكە لە ناو قوڵایی پرسی ”زانین“ دان لە بواری فەلسەفەدا. هەر یەك لەو كتێبانە وەك كتێبێكی سەربەخۆ نوسراون و هەریەكەیان لە پەرشێكی پیستیمۆلۆجیدا پرسی ”زانین“ تاووتوێ دەكەن.
هەركام لەم كتێبانە بۆخۆی دەكرێت وەك كۆرسێكی فەلسەفە لەبارەی زانینەوە بخوێنرێتەوەو سودیان لێوەر بگیرێن، ئەم كتێبانە سەرچاوەن و ڕۆشنبیرانی دەرەوەی زانكۆكان وخوێندكاری زانكۆكان لە خوێندنی باڵادا كۆ دەكاتەوە. جگە لەوەی هەرسێ كتێبەكە پێكەوە سەرچاوەیەكی دەوڵەمەندن بۆ خوێندنەوە لە ئاستە جیا جیاكانی خوێندنی باڵادا.
هەموو كتێبەكانی ”هەگبەی زانین“ لە پانتایی فەلسەفەی ئەنەلەتیكدان و مەسەلەی زانین و كێشەو گرفتەكانی زانین دەردەخات و نەخشەیەك بۆ پرسی ”زانین“ پێكدەهێنێت لە فەلسەفەدا. خوێندن و دیبەیتی فەلسەفەی ئەكادیمی، لە ئاستی زانكۆكانی بەریتانیاو ئەمەریكاو ئەوروپاوە دەگەیەنێتە بەردەستی خوێنەری كورد، لە ‌ناو ماڵەكانی خۆیانداو لە زانكۆكانی كوردستاندا. هەموو سەرچاوەكانی بە زمانی ئینگیلیزیە، باسەكان كورت و پوختن و بەزمانێكی ڕوون نووسراون، بەڵام لە ناوەڕۆكی تێزو ئارگیومەنتە فەلسەفییەكانی كەم نەكردوونەتەوە و ئاستی بەرزی فەلسەفەی ئەكادیمی پاراستووە. هەموو كتێبەكانی ”هەگبەی زانین“ سەرچاوەیەكی فەلسەفەین، هەم بۆ خوێندكاری فەلسەفەی ئەكادیمی لە سەر ئاستی زانكۆكان و خوێندنی باڵا، هەم بۆ هەر كەسێك كە لە ماڵەوە بیەوێت وەك كۆرسێك لە بواری فەلسەفەدا لەسەر پرسی ”زانین“ بیەوێت بخوێنێتەوە
ئەمساڵ لە ڕۆژهەڵاتی كوردستان ئەم دوو كتێبەی ”هەگبەی زانین“ پێكەوە كۆكراونەتەوە و بڵاو دەكرێنەوە.
كتێبی یەكەمی ”هەگبەی زانین“ : تاووتوێی پرسی زانین دەكات لە پیستیمۆلۆجی كلاسیكدا
كتێبی دوەمی ”هەگبەی زانین“ : تاووتوێی پرسی زانین دەكات لە سۆشیال پیستیمۆلۆجیدا.

 

 

زۆرترین بینراو