قائیمقامی سۆران : بەمەرجی تەندروستی بازاڕو دوكانەكان دەكرێنەوە

قائیمقامی سۆران : بەمەرجی تەندروستی بازاڕو دوكانەكان دەكرێنەوە

زاری كرمانجی-سۆران
قائیمقامی سۆران ئاشكرای دەكات " بڕیارە ئێوارەی ئەمڕۆ چوارشەممە بەپێی مەرجی تەندروستی دوكان و بازاڕەكانی سۆران بكرێنەوەو هەركەس پابەندی رێنمایەكان نەبێت رووبەڕوی یاسا دەبێتەوە.
كرمانج عزەت، قائیمقامی سۆران، بە زاری كرمانجی راگەیاند " وەك ئاسانكاریەك بۆ هاووڵاتیان بۆ ئەوەی ئیش و كارو كاسبیان رانەگیرێت، بە بڕیاری وەزارەتی ناوەخۆ، كاتژمێر 6ی ئەم ئێوارەیە بازاڕو دوكانەكان دەكرێنەوە، بەم مەرجەی رێنماییەكانی تەندروستی جێبەجێ بكەن، واتە ئەركە دوكانداران و خاوەن پیشەكان و شۆفێران ماسك و دەستەوانەو كەرستەكانی خۆپارێزی بەكاربهێنن، هەروەها هاووڵاتیانیش پابەند بن بە رێنمایەكان، بە هەمان شێوە پێویستە ئەوانەی دەچن بۆ مزگەوت و شوێنە ئاینییەكان بەرماڵ لەگەڵ خۆیان بەرن و لەدووری یەكتریش بوەستن".
گووتیشی " لیژنەكان بەردەوام چاودێری بازاڕو ئەم شوێنانە دەكەن، هەركەس پابەندی رێنماییەكان نەبێت، بەتوندترین شێوە رووبەڕوی سزای یاسایی و پێبژاردن دەبێتەوە.

 

بیروڕا

زۆرترین بینراو