كاریگەری دراما بیانییەكان لەسەر كۆمەڵگەی كوردیدا

هیوا عـسمان باڵـــەكی

ئیتر كاتیەتی و پێویستە سنورێك بۆ دەسەڵاتی چوارەم كە (ڕاگەیاندنە) بە گشتی دابنرێت سەبارەت بە تێكدانی نێو ماڵی كورد و وونكردنی ئاداب و ئەخلاق و ڕەوشتمان، و شێواندنی عەقڵی گەنجی كورد، هەڵوەشاندنەوەی نێو ماڵ و خێزانی كۆمەڵگەی كوردی، لەرێگای سیناریۆی ئەفسووناوی و خەیاڵ و نیشاندانی ئەو بەهەشتەی كە هەموو تاكێك لە مێشك و بیركردنەوەی خۆیدا وێنای بۆ دروست كردووە بە خەیاڵ، كە حەزی هەموومانە و لە رێگای ئەم (دراما) بیانیانە كە هیچ ئەسڵ و ڕاستیەكی بۆی نیە تەنانەت لە خودی ژیانی ڕاستەقینەی خۆشیاندا، پێویستە كۆمەڵگەی كوردی، ڕۆشنبیران و چاڵاكوانان ئەوانەی خەم خۆری ئەم كلتوورەن، یا پەیوەستن بە ئایینەكەیانەوە بێنە سەرخەت و رۆلی خۆیان نیشان بدەن سەبارەت بەمە، هەرچەندە بە دەرەجە یەك ئەوە كاری حكومەتە لەناویاندا وەزارەتی رۆشنبیری كە دەبێت سانسۆرێك بۆ میدیا بەگشتی دابنریت و ئەو شتانەی پەخش ئەكرێن، بەتایبەت دراما، ئەبێت بە فلتەری لیژنەیەكی شارەزادا تێبپەڕێت، بەڵام بێ باكی ئەوان وایكردووە ئەوپەڕی بێ سەروبەری لە نێو میدیای كوردی دروست ببێت هەر كەسەو، هەر لایەنەو بە ئارەزووی خۆی دیدیای خۆی یا ئەوەی بیەوێت لە كەناڵەكەی پەخشی دەكات، لەڕێگای هێنانی سیناریۆیی زۆر خراپ و خەیاڵاوی هەوڵی شێواندنی كۆمەڵگەی كوردی دەدرێت یا هەوڵی گۆڕانكاری خێرا و بێ بنەما ئەدرێت لە رێگای هێنانی ئەم بیرۆكانە، كە بەداخەوە زۆربەیان زۆر دوورن لەگەڵ داب و نەریت و ئەخلاقی و ئاینی ئێمە، كەواتە ڕێك پێچەوانەیە، چاندنی بیرۆكەیەكی بیانی لەنێو مێشكی گەنجانی ئێمە كە بەداخەوە زۆرینەی خەلكی كۆمەڵگەی ئێمە ئاستی هۆشیاریان لاوازە، ئەم درامایانە من وەكو بۆمبێكی تەوقیتكراوی ئەبینم و ناوی ئەبەم، كە لە نێو ماڵی هەریەكێكماندا هەیە یا تەقیوەتەوە یا ئامادەن بۆ تەقینەوە، چەندان چیرۆكی تراژیدی هەن و شاهیدی ئەوەن، كە بەهۆی كاریگەری ئەو درامایانەوە دروست بوونە، وەك (كوشتن، خۆكوشتن ، خۆ سووتاندن ، خۆ خنكاندن، ناپاكی هاوسەری و بەدەرەجە یەك جیابونەوەی هاوسەران)، ئەگەر لایەنی پەیوەندیدار و نیشتیمان پەروەران لەخەمی نیشتیمان و ئینتیمای نیشتیمان دان پێویستە رێگری بكەن لەم دیاردەیە، یا رێگری بكەن لە پێشاندانی بەناو بەهەشتی دەرەوە، وەرن بەیەكەوە نیشتیمانی خۆمان بكەین بە بەهەشت.

زۆرترین بینراو