كلاسیكۆی جیهان لە خولی كوپا ئەمریكا بەرێوە دەچیت

كلاسیكۆی جیهان لە خولی كوپا ئەمریكا بەرێوە دەچیت

لە وەڵاتی سامبا پاڵەوانیەتیی كۆبا ئەمریكا بۆ تۆپی پێ‌ بە بەشداری 10 هەڵبژاردەی ئەمریكا لاتینی و دوو هەڵبژاردەی میوان (ژاپۆن و قەتەر) یارییەكانی گەیشتە قۆناغی پێش كۆتایی.
دوای ئەوەی یارییەكانی قۆناغی گرووپەكان بە كۆتا هاتن و شەش هەڵبژاردەی خاوەن پلەی یەكەم و دووەمی گرووپەكان و دوو باشترین سێیەمیش سەركەوتن بۆ قۆناغی هەشتە، لەو قۆناغەدا بەو شێوەیە هەڵژاردەكان بەر یەك كەوتن ( بەرازیل - پاراگوای" ئەرژەنتین - فەنزوێلە" كۆلۆمبیا - شیلی" پیرۆ - پیرۆ)
بەرازیل و پاراگوای: لە یەكەم یاری هەردوو هەڵبژاردەی بەرازیل و پاراگوای بە یەك گەیشتن، یارییەكە درێژەی كیشە بەبێ‌ گۆل لە هەردوو گێمدا، بەرازیلییەكان نەیتوانی لە كاتی یاسایی، یارییەكە بۆ خۆیان یەكلایی بكەنەوە و سەركەوتن و گەیشتن بەقۆناغی پێش كۆتایی مسۆگەر بكەن، بەهۆی سیستەمی خولەكە لە دوای نەوەد خولەك یەكسەر روویان كردە لێدانی یەكلاكەرەوە لە سەر خاڵی سزا، لە ئەنجامدا هەڵبژاردەی خاوەن ماڵ و میواندار توانی 4 - 3 سەركەوتن تۆمار بكات و خۆی بگەینێتە یارییەكانی پێش كۆتایی.
ئەر ژەنتین و فەنزوێلا: هەڵبژاردەی ئەرژەنتین و فەنزوێلا لە یارگای ماركانا لە قۆناغی هەشتەم رووبەرووی یەك بونەوە، هەڵبژاردەی ئەرژەنتین لەو یارییەدا بە بەراورد لەگەڵ یارییەكانی قۆناغی گرووپەكان بەئاستێكی باشتر و رێكتر دەركەوت و توانی هەڵبژاردەی فەنزوێلا ببری بە دوو گۆڵی بێبەرامبەر و سەركەوتن تۆمار بكات و خۆی بگەینێتە یاری پێش كۆتایی.
بە گەیشتی هەڵبژاردەی ئەرژنتین و بەرازیل بۆ یاری پێش كۆتایی، پاڵەوانیەتی كوبا ئەمریكا كلاسیكۆی جیهانی دەبینی، رۆژی 2-7-2019 هەردوو هەڵبژاردەی ئەرژەنتین و بەرازیل لە كلاسیكۆی جیهان لە ئاستی هەڵبژاردەكان رووبەرووی یەك دەبنەوە.
چیلی و كۆلۆمبیا: یارییەكەی ئەو دوو هەڵبژاردەیە لە كاتی یاسای بەبێ‌ گۆڵ تەواو بوو، هەڵبژاردەی چیلی بە لێدانی یەكلایكەرەوە توانی بە ئەنجامی 5 - 4 سەركەوتن لە یارییەكە و بۆ یاری كۆتایی دەستەبەر بكات و كۆلۆمبیاش بێرێتەوە ماڵ.
ئۆرگوای و پیرۆ: هەڵبژاردەی پیرۆ لە خاكی سامبا توانی بە لێدانی یەكلاكەرەوە رێگای ماڵەوە نیشانی هەڵبژاردەی ئۆرگوای بدات، دوای ئەوەی یارییەكە لە كاتی یاسای خۆی بەبێ‌ گۆڵ كۆتا هات، هەڵبژاردەی پیرۆ بە لێدانی یەكلاكەرەوە 5 - 4 توانی سەركەوتن بە دەست بێنیت و گەیشتە یاری پێش كۆتایی، لە یاری پێش كۆتایشدا لە 4-7-2019 رووبەرووی هەڵبژاردەی چیلی دەبێتەوە.

زۆرترین بینراو