كۆرۆنا مەراسیمی هەڵبژاردنی شاجوان ناوەستێنێت

كۆرۆنا مەراسیمی هەڵبژاردنی شاجوان ناوەستێنێت

ئا/ هۆژین شەوكەت
لەگەڵ ئەوەی ڤایرۆسی كۆرۆنا بەشێكی زۆری مەڕاسیم و ئاهەنگەكانی ئەمساڵی لە سەرتاسەری جیهان هەڵوەشاندەوە و دواخران، بەڵام مەراسیمی هەڵبژاردنی شاجوانی مەناگوای بۆ ئەمساڵ بەڕێوەدەچێت و دواناخرێت.
لە هۆتێلێك لە شاری مەناگوای نیكاراگوا چەند خانمێك، كە خۆیان بۆ شاجوانی مەناگوای كاندید كردووە، سەرقاڵی خۆئامادەكردنن بۆ مەڕاسیمی هەڵبژاردنی شاجوان لەوبارەیەوە رێكخەری مەراسیمی هەڵبژاردنی شاجوانی مەناگوای بە ئاژانسی هەواڵی AFP رایگەیاند، "ئێمە لەگەڵ مەرجی هەڵبژاردنی شاجوان، چەند یاسایەكمان هەیە بۆ ئەو كەسانەی بەشداریدەكەن و دەبێت پابەندی یاساكان بن، لەگەڵ ئەنجامدانی راهێنانەكان باپەندین بە دوورەپەرێزی كۆمەڵایەتی، زوو زوو دەستەكان دەشۆین و دەمامك بەكاردەهێنین، مانگی یەكەمی خۆئامادەكردنمان بەهۆی ڤایرۆسی كۆرۆنا چاوپێكەوتنەكانمان كرد بە ئۆنڵاین و وانەكانمان بە ئۆنڵاین دەگووتەوە، لەگەڵ ئەوەشدا بە باشمان زانی مەراسیمەكە دوانەخەین و لەگەڵ پابەندبوون بە رێنماییە تەندروستییەكان ئەنجامیبدەین".

زۆرترین بینراو