كۆمان: لەپێناو سێ نازناو دەجەنگین

كۆمان: لەپێناو سێ نازناو دەجەنگین

زاری كرمانجی- ئاژانسییە هەواڵییە وەرزشییەكان: رۆناڵد كۆمان راهێنەری یانەی بەرشەلۆنەی ئیسپانی تەئكید لە ئامادەباشی تیپەكەی دەكاتەوە بۆ رووبەڕووبوونەوەی كادێز لە خولی ئیسپانی.
كۆمان دوێنێ لە كۆنگرەیەكی رۆژنامەوانی تایبەت بە یارییەكانی ئەم گەڕەی لالیگا گووتی" دوای شكستە قوڕسەكەمان بەرامبەر بە پاریس سانجێرمان، زۆر باش دەبێت جارێكی دیكە هێزی خۆمان پیشان بدەینەوەو بڵین ئێمە دەتواین سەركەوتن تۆمار بكەین، هەروەها تۆمارێكی دڵخۆشكەریشمان لە لالیگا هەیە، بۆیە پێشویستە بەردەوامی بە زنجیرە سەركەوتنەكانمان لە لالیگا بدەین، چونكە ئێمە ئامانجی زۆرمان هەیە بۆ ئەوەی لە پێناویدا تێبكۆشین".
هەروەها گووتی" هەروەكو دوای یارییەكەی پاریس گوتم، ئەو شكستە بە مانای كۆتایی دنیا نیە، دەبێ یارییەكان و هەڵەكانمان شی بكەینەوە، هەڵەكانمان راست بكەینەوە، چونكە لە دوایین یارییدا بەشێوەیەكی زۆر خراپ و لاواز دەركەوتین، خوازیارم كاردانەوەمان بەرامبەر كادێز بەهێزبێت و بەبەهێزییەوە دەركەوین".
راهینەرەكەی بەرشە لە درێژەی وەڵامی پرسیاری رۆژنامەنووسان هەروەها گووتی" ئێمە هێشتا لەپێناو بەدەستهێنانی سێ پاڵەوانیتی دەجەنگین، هەرچەندە پێگەی ئێمە لە چامپیۆنزلیگ لاوازە، بەڵام لە كۆپا دێل رێ ئەگەر باشتر یاری بكەین و كاردانەوەمان بەهێزبێت، دەتوانین بگەڕێنەوەو بۆ فایناڵ سەربكەوین، دۆخی یانەكەشمان لە لالیگا زۆر باشەو دەبێ چاوەڕێی شكست و لەدەستدانی خاڵی ركابەرەكەمان بكەین، من كەسێكم بە نەرێنی بیرناكەمەوەو هەمیشە هیوا لەدەست نادەم و خاوەنی یاریزانی زۆر باشین بۆ ئەوەی كاردانەوەمان ئەرێنی و بەهێز بێت".

بابەتى پەیوەندیدار وەرزشى

زۆرترین بینراو