كێشەكانی بەرشە لە هەڵكشاندان

كێشەكانی بەرشە لە هەڵكشاندان

زاری كرمانجی- ئاژانسە هەواڵییە وەرزشییەكان: لەماوەی پێنج رۆژی رابردوو ئەوەی میدیاكان چاوەڕوانیان نەدەكرد روویدا، بە جارێك بەرپرسان و یاریزانانی بەرشەلۆنە چەندین لێدوانی دژ بە یەكتریان دا، تەنانەت كار گەیشتە ئەوەی سۆشیال میدیا بۆ یەكەمجار ببێتە ئامرازی ناردنی پەیام لە لایەن یاریزانەكانی بەرشە، لە جێگەی گفتۆگۆ و سازشی سەرمێز.
پێگەی گۆڵی جیهانی هەاوڵێكی جیاوازی بڵاوكردۆتەوەو نووسیویەتی، هەر یەك لە یانەكانی یۆڤێنتۆس ئینتەر میلان پاریس سانجێرمان و مانچستەر ستی لەدوای كێشەكانی بەرشەلۆنە هەوڵەكانیان بۆ رازیكردنی مێسی دەستپێكردووە تاكو ریزەكانی بلوگرانا جێنهێلێت.
رۆژنامەكانی ئیسپانیا بڵاویانكردەوە بارتۆمیۆی سەرۆكی بەرشەلۆنە لەگەڵ ئەبیدال و مێسی كۆبۆتەوەو كێشەكانیان چارەسەر كردووەو هەردوو لاش لەگەڵ یەكتر ئاشتبوونەتەوە, دوای ئەوەی رۆژنەمەكانی نزیك لە بەرشەلۆنە هەواڵی ئەوەیان بڵاو كردەوە، لە نێو ماڵی بەرشەلۆنە لە نێو دوو یاریزان دەمەقاڵێیەكی توند روویداوەو رووبەرووی یەكتر بونەتەوە، رۆژنامەی EL PAisی ئیسپانی ناوی ئەو دوو یاریزانەی ئاشكرا كردووە كە دەمەقاڵێ لە نێوانیان روویداوە, EL PAis ئاماژەی بەوە كردووە تێر شتیگن و مێسی دوای یارییەكەی ڤاڵێنسیا كاتێك بەرشەلۆنە بە دوو گۆڵی بێ بەرامبەر شكستی هێناو دواتریش ماڵئاوایی كردنیان لە جامی شای ئیسپانیا، هەفتەی رابردوو لە مەشقەكانی یانەكە دەمەقاڵێیەكی توند لە نێوان مێسی و تێر شتیگنی گۆڵچی روویداوە هەرچەندە رۆژنامەكە بە تەواوی باسی لە هۆكارەكەی نەكردووە, بەڵام رۆژنامەنووس رامون بیسا ئاماژەی بەوە كردووە بە هۆی شكستی ڤاڵێنسیا مێسی زۆر توڕە بووە لە هەندێك هەڵسوكەوتی یاریزانەكان ئەمەش هۆكارێك بووە تا مێسی لەگەڵ شتیگن لە مەشقەكان ئەم دەمەقاڵێیە توندە لە نێوانیان درووستبووە.
ئەمەو هەفتەی رابردوو هەر مێسی لە ئینستاگرام بە توندی وەڵامی ئەبیدالی دایەوە كاتێك رەخنەی لە یاریزانەكان گرتبوو كە لە هەندێك كاتدا كەمتەرەخمبوونە، دواتر بارتۆمیۆی سەرۆكی بەرشەلۆنە بارودۆخەكەی هێور كردۆتەوە مێسی و ئەبیدالی ئاشت كردۆتەوە.

بابەتى پەیوەندیدار وەرزشى

زۆرترین بینراو