كێشەیەكی تر بؤ ئەرجەنتین سەری هەڵدا

كێشەیەكی تر بؤ ئەرجەنتین سەری هەڵدا

زاری كرمانجی- ئاژانسییە هەواڵییە وەرزشییەكان: میدیای ئەرجەنتینی هۆشداری ئەوە دەدات كێشەیەكی دیكە رووبەڕووی هەڵبژاردەی ئەرجەنتین ببێتەوە لە دوو یاری داهاتووی لە پاڵاوتنەكانی مۆندیالی 2022ی قەتەردا.
لە كۆتایی مانگی داهاتوودا، هەڵبژاردەی ئەرجەنتین لە پاڵاوتنەكانی ئەمریكای باشوور بۆ مۆندیالی 2022ی قەتەر دوو یاری گرنگ و زەحمەت بەرامبەر هەڵبژاردەكانی ئۆرۆگوای و بەڕازیل دەكات.
بەپێی میدیای ئەرجەنتینی، كێشەیەك بۆ هەڵبژاردەی تانگۆ بەڕێوەیە، بەهۆی ئەو دەمەقاڵێیەی لە یاری بەرشەلۆنەو پاریس سانجێرمان لە چامپیۆنزلیگدا، لەنێوان هەردوو یاریزانی هەڵبژاردەی ئەرجەنتین، هەریەكە لە لیۆنێل مێسی كاپتنی بەرشەو لیاندرۆ پارێدێسی یاریزانی هێڵی ناوەڕاستی پاریس سانجێرماندا روویدا.
یارییەكە بە ئەنجامی 4 - 1 بۆ بەرژەوەندی پاریسییەكان كۆتاییهات، لەم یارییە پارێدێس رەخنەی لە مێسی دەگرێت لەسەر ئەوەی سەرپێچییەك لەدژی دەكات، مێسیش زۆر بە تووڕەیی قسەی لەگەڵ دەكات.
بەپێی میدیای ئەرجەنتینی پێشبینی دەكرێت تووڕەبوونی مێسی كێشە بخاتە نێو هەڵبژاردەی ئەرجەنتین، چونكە هەر كاتێ مێسی لە یاریزانێك تووڕەببێت باجی پێدەدات و لەوانەیە لە پارێدێسیش خۆش نەبێت.
پێشتر هەندێك لە دەزگاكانی راگەیاندن مێسییان بەوە تۆمەتباركردووە كە دەستەڵاتی رەهای بەسەر هەڵبژاردەی ئەرجەنتینەوە هەیە، تا ئەو راددەیەی كە ئەو هەر یاریزانێكی بەدڵ نەبێت رێگە نادات لە هەڵبژاردەی ئەرجەنتین یاری بكات، لەوانەش پاولۆ دیبالا و ماورۆ ئیكاردی، بێگومان ئەو بە قسەی دەزگاكانی راگەیاندن، بۆیە ئەگەر ئەوە راستبێت، كەواتە چارەنووسی پارێدێسیش لە مەترسیدایە لەگەڵ هەڵبژاردەی تانگۆ، كە ئێستا یەكێكە لە باشترین و گرنگترین یاریزانانی ئەو هەڵبژاردەیە.

بابەتى پەیوەندیدار وەرزشى

زۆرترین بینراو