كێشەی بارگرانی كارەبا لە مێرگەسۆر چارەسەر دەكرێت

كێشەی بارگرانی كارەبا لە مێرگەسۆر چارەسەر دەكرێت

زاری كرمانجی-مێرگەسۆر: قائیمقامی مێرگەسۆر ئاشكرای دەكات " بەهۆی دابەزینی پلەكانی گەرما بارگرانێكی زۆر لەسەر هیلەكانی كارەبا دروست بووە، بە تەواو كردنی كارەكانی پڕۆژەی راكیشانی هێلی 33 كەیڤی گرفتەكە چارەسەر دەكەین.
غەفور مەلا سوار، قائیمقامی مێرگەسۆر، بە زاری كرمانجی راگەیاند " بەهۆی دابەزینی پلەكانی گەرما بارگرانێكی زۆر لەسەر هیلەكانی كارەبا دروست بووە، ئەمەش وای كردووە كە كارەبای پێویست بە هاووڵاتییانی سنووری قەزای میرگەسۆر نەگات و بەشیوەی پچر پچر كارەبا هەبێت، بۆ چارەسەركردنی ئەم كێشەو گرفتانە، لە ئیستا دا گوژمەی پێویست بۆ چارەسەركردنی بارگرانی كارەبای مێرگەسۆر تەرخان كراوە، كە كارەكانی پڕۆژەی راكیشانی هێلی 33 كەیڤی، (رێزان-بارزان-دۆرێ-مێرگەسۆر -شێروان مەزن) زیاتر لە 70% كارەكانی تەواو بووە‌ و لە لەنیزیكترین كاتدا كارەكانی بەكوتا دین و كێشەی بارگرانی كارەبا چارەسەر دەبێت".
گووتیشی " رەزامەندی دراوە بە راكێشانی 2 هێلی كارەبای 11 كەیڤی بۆ سنووری شارەدێی مەزنی و گوندەكانی (هۆستان -ریشە -هەسنەكا –هەڤندكا، تا گوندی بازی) لە ناحیەی بارزان، دەستخۆشانە بۆ پاڵپشتی ‌ئەو كەسانەی كە هاوكارمان بوونە بۆ چارەسەركردنی كیشەی كارەبا لەسنووری قەزاكەمان.

زۆرترین بینراو