كەركووك بوو بە پاڵەوانی خولی بارزانی نەمر

كەركووك بوو بە پاڵەوانی خولی بارزانی نەمر

رەمەزان هەرنی

لە مەڕاسیمێكی شایستە و پڕ هاندەری وەرزشیدا بە ئامادەبوونی بەرپرسانی باڵای حزبی و حكومی و هاندەرێكی زۆری وەرزشی، مەكتەبی سكرتاریەتی (ی.ل.د.ك) كۆتایهێنا بە یاری كۆتایی خولی "بارزانی نەمر".

ئازاد محەمەد سەید، كارگێڕی مەكتەبی سكرتاریەتی یەكێتیی لاوان، بە زاری كرمانجی گوت:" خولی بارزانی نەمر كە لەسەر ئاستی كوردستان كرابوەوە و یاری كۆتایش ئەنجامدرا لە نێوان هەردوو هەڵبژاردەی (كەركوك و دەورووبەری سلێمانی) و لە یارییەكی ئاستبەرز و پڕ گۆڵدا هەڵبژاردەی ئەنجامدرا.

ئازاد گوتیشی:" لە خولی توپی پێی بارزانی نەمر كەركوك توانی بە ئەنجامی (٥-٢) سەربكەوێت بەسەر هەڵبژاردەی دەورووبەری سلێمانی و بۆ سێیەم جار لە مێژووی خۆیدا بوو بە پاڵەوانی خولەكە.

ئازاد ئەوەشی خستەروو :" لە كۆتایدا لە نێو ئاپۆڕای هاندەران بە یاری ئاگرین و كەیف خۆشی هەمووان لە لایەن بەرپرسانی ئامادەبوو خەڵاتی پاڵەوانیەتیەكە بەخشرا بە هەڵبژاردەی كەركووك وەك براوەی یاری كۆتایی پازدەهەمین خولی "بارزانی نەمر" كە لە یاریگای دووەمی شەهید فەڕەنسۆ هەریری بەڕێوەچوو.

بابەتى پەیوەندیدار وەرزشى

بیروڕا

زۆرترین بینراو