له‌ ئاكرێ خانووه‌ كۆنه‌كان مه‌ترسی لەناوچوونیان له‌سه‌ره‌

له‌ ئاكرێ خانووه‌ كۆنه‌كان مه‌ترسی لەناوچوونیان له‌سه‌ره‌

رەمەزان هەرنی – ئاكرێ : لە ئاكرێ‌ خانووە کۆنەكان له‌ ئێستادا مه‌ترسی رووخان له‌سه‌ر زیاتر بووە به‌هۆی وه‌زری زستانه‌وه‌ و شاره‌وانی ئاكرێ داوای بودجه‌یه‌كی تایبه‌ت دەكات بۆ نۆژه‌نكردنه‌وه‌ی خانووه‌ كۆنه‌كان به‌ شێوازی كۆنی خۆی .
هیوا شەماڵ بەرێوەبەری شوێنەوارەكانی ئاكرێ‌ به‌ زاری كرمانجی گوت :" ساڵانه‌ له‌م وه‌رزه‌دا بەهۆی بارانبارینی زۆر خانووه‌ كۆنه‌كان ده‌رووخێن و مەترسی لەسەر کۆمەڵێک خانووی دیکەش دروست ده‌بێت بۆیه‌ داوا دەكەین لە وەزارەتی شارەوانی و گەشت و گوزار لە حكوومەتی كوردستان كە ساڵانە بودجەیەكی تایبەت بە نۆژەنكردنەوەی ئاكرێ‌ خەرجبكرێت بۆ ئەوەی مەترسی لەناو چوونی خانووە كۆنەكان نەمێنێت.
زێره‌ڤان ته‌مو، به‌رپرسی راگه‌یاندنی شاره‌وانی ئاكرێ به‌ زاری كرمانجی گوت:" وه‌ك سه‌رۆكایه‌تی شاره‌وانی ئاكرێ به‌فه‌رمی داوامان كردووه‌ له‌ وه‌زیری شاره‌وانی و گه‌شت و گوزاری حكوومه‌تی هه‌رێمی كوردستان كه‌ بودجه‌یه‌كی تایبه‌ت بۆ نوژه‌نكردنه‌وه‌یی خانووه‌ كۆنه‌كانی ئاكرێ دابینبكرێت كه‌ له‌ ئێستا دا گه‌ره‌كه‌ كۆنه‌كانی ئاكرێ مه‌ترسی خرابوون و له‌ناو چوونی له‌سه‌ره‌.
ئاكرێ‌ لە ساڵی 1877 بۆتە قەزا یەكێكە لەو دەڤەرانەی زووترین شوێنەواری هەیە لە هەرسێ‌ گەرەكێ‌ چوستەیان و گورەڤا و قاپەكێ‌ كە دەكەونە ناوچەی كۆنی ئاكرێ‌ 340 خانووی كۆنی هەیە."

 

 

زۆرترین بینراو