له‌ ئاكرێ رۆژانه‌ به‌ ریسایكلین 200 تۆن خاشاك لێك جیاده‌كرێته‌وه‌

له‌ ئاكرێ رۆژانه‌ به‌ ریسایكلین 200 تۆن خاشاك لێك جیاده‌كرێته‌وه‌

ره‌مه‌زان هه‌رنی - ئاكرێ :له‌ سنوری هه‌رسێ قه‌زای ئاكرێ، به‌رده‌ڕه‌ش و شێخان تاكه‌ كارگه‌ی ریسایكلین هه‌یه‌ و رۆژانه‌ ته‌واوی شاره‌وانیه‌كانی ئه‌و سێ قه‌زایه‌ زبڵ و خاشاك ده‌گوازنه‌وه‌ بۆ كارگه‌كه‌ به‌مه‌به‌ستی لێك جیاكردنه‌وه‌.
مه‌سعود زبیێر به‌رێوه‌به‌رێ كارگه‌ی ریساكلین له‌ ئاكرێ به‌ زاری كرمانجی گوت:" كارگه‌ی ریسایكلینی ئاكرێ تاكه‌ كارگه‌یه‌ له‌ قه‌زاكانی ئاكرێ و شێخان و به‌رده‌ڕه‌ش كه‌ رۆژانه‌ خاشاكی ماڵان و شوێنه‌ گشتییه‌كانی كۆده‌كاته‌وه و‌ دواتر لێك جیا ده‌كرێته‌وه‌ به‌رێگای ئامێره‌ پێشكه‌وتووه‌كات.
مه‌سعود گوتیشی:" كارگەی ریسایكلینی ئاكرێ ڕۆژانە 200 تۆن خاشاکی ماڵان چارەسەر دەکات، دوای ئەوەی لە ڕێگەی 165 ئامێری کۆکردنەوەوە، تەواوی ڕۆژەکانی هەفتە خاشاکی ئاکرێ و بەردەڕەش و شێخان کۆدەکاتەوە كە پڕۆژەکە لەلایەن کۆمپانیایەکی جێبەجێکاری مۆڵەتپێدراو جێبەجێ دەكرێت.
معسود ئه‌وه‌شی خسته‌ڕوو :" به‌رده‌وامین له‌ جیاكردنه‌وه‌ی خاشاك به‌ رێگا ئامێره‌كانی و كه‌ له‌كاتی گه‌یشتنی خاشاك لاستیك و لایلۆن و مادده‌ پلاستیه‌كان لێك جیا ده‌كه‌ینه‌وه‌ دواتر له‌ شوێنی تایبه‌ت رێك ده‌خه‌ین ئه‌وانه‌ی به‌ كه‌ڵكی فرۆشتن بێن ده‌یان فرۆشینه‌وه‌ و دووباره‌ بەكار دەهێنینەوە" .

زۆرترین بینراو