لەبارەی تاپۆی خانوو و زەووی داویەك لە هاووڵاتییان دەكرێت

لەبارەی تاپۆی خانوو و زەووی داویەك لە هاووڵاتییان دەكرێت

 

زاری كرمانجی-سۆران: ماوەی كەمتر لە دوومانگ بۆ ئەم هاووڵاتییانە دیاری دەكرێت كە ساڵانێكە مامەڵەی تاپۆكردنی خانوو زەویەكانیان لەتۆماری خانووبەرەی سۆران و تەواو كراوەو سەردانی ناكەن.
كرمانج عیزەت قائیمقامی سۆران، رایگەیاند "بۆ تاپۆكردنی زەووی و خانووی هاووڵاتییان، لێژنەیەكی هاوبەش بە ئەندامییەتی سەرۆكی شارەوانی و بەڕێوەبەری تۆماری خانوو بەرەی سۆران و لە لایەنە پەیوەندیدارەكان پێكهێنراوەو منیش وەك سەرپەرشتیار دەستنیشان كراوم و بەشێوەیەكی بەرفراوان و بەپێی رێنماییەكان، دەست دەكەین بە تاپۆكردنی زەووی و خانووبەری هاووڵاتییانی سەنتەری شاری سۆران و دەوربەری، بەپێی رێنمایەكان". ئاماژەشی بەوەدا "هندێ‌ لە هاووڵاتیان ساڵانێكە مامەڵەی تاپۆكردنی خانوو زەویەكانیان لەبەڕێوەبەرایەتی تۆماری خانووبەرەی سۆران و تەواو كراوە، كەچی پارەكەیان نەداوە یان بەهۆی چەند هۆكارێكی دیكە سەردانی تۆماری خانووبەرە ناكەن، ئەگەر بۆ ماوەی كەمتر لە دوومانگ سەردانی تۆماری خانووبەرە نەكەن، ئەوە مامەڵەكانیان هەڵدەوەشێتەوەو بەشێوەیەكی دیكە مامەڵەیان لەگەڵ دەكرێت".

زۆرترین بینراو