لەیلا تەعلۆ: بە یارمەتی نووسینگەی نێچیرڤان بارزانی بوومە باڵیوزی ئاشتی بۆ مافی مرۆڤ

لەیلا تەعلۆ: بە یارمەتی نووسینگەی نێچیرڤان بارزانی بوومە باڵیوزی ئاشتی بۆ مافی مرۆڤ

رەمەزان هەرنی – شنگال : لەیلا تەعلۆ, یەكێكە لەو ئافرەتە رزگاربووانەی ئێزدی كە لە ساڵی 2014 كەوتە دەست تیرۆریستانی داعش دوای سێ ساڵ بە یارمەتی راستەوخۆی نووسینگەی نێچیرڤان بارزانی رزگاركراو دواتر لە ساڵی 2018 وەكو باڵیوزی ئاشتی بۆ مافی مرۆڤ دەستنیشانكرا.
لەیلا تەعلۆ, باڵیوزی ئاشتی بۆ مافی مرۆڤ بە زاری كرمانجی دەڵێ:" لە رۆژی 3ـی ئابی ساڵی 2014 لەگەڵ 19 ئەندامی خێزانەكەم كەوتینە دەست داعش، لە 9ـی نیسانی ساڵی 2017 لەگەڵ هەر دوو منداڵەكانم ( سالار , سارا ) بە یارمەتی نووسینگەی نێچیرڤان بارزانی، سەرۆكی هەرێمی كوردستان لەگەڵ 9 كەسی دیكە رزگاركراین، بەڵام تائێستا چارەنووسی هاوسەرەكەم و ئەوانی دیكە دیار نییە.
لەیلا، گووتیشی:" دوای ئەوەی رزگارم بوو لە دەست داعش ویستم پەیامی كوردانی ئێزدی بە جیهان بگەینم كە لەسەر دەستی رێكخراوی تیرۆریستانی داعش تۆشی هەموو جۆرە ئازارێكی رووحی و جەستەیی و مرۆڤایەتی بوونە, دوای ئەوە بانگهێشتكرام بۆ وڵاتی هیندستان لە ساڵی 2018 خەلاتی دایكی تێرێزام وەرگرت، هەروەها رێكەوتی 9/12/2018 وەكو باڵیوزی ئاشتی لە رێكخراوی جیهانی مافی مرۆڤ دەستنیشانكرام، ئەوەش بە یارمەتی راستەوخۆی نووسینگەی نێچیرڤان بارزانی سەرۆكی هەرێمی كوردستان بوو.
باڵیوزی ئاشتی بۆ مافی مرۆڤ ئەوەشی خستەڕوو:" دوای وەرگرتنی ئەو نازناوانە ئەوەی لە توانامدا بێت كردوومە بۆ كوردانی ئێزدی، بەهۆی ئەوەی توشی زیانێكی زۆر بووین لەسەر دەستی رێكخراوی تیرۆرستی داعش, بە رێگەی رێكخراوەكانی ناوخۆ و بیانی بەردەوام هەوڵدەدەین یارمەتی زیاتری كوردانی ئێزدی بدەم، بۆ ئەوەی زۆرترین یارمەتی بۆیان كۆ بكەمەوە، بۆ ئەوەی كەمێك خەم و ئازاریان كەم بكەمەوە.
لەیلا تەعلۆ, باڵیوزی ئاشتی بۆ مافی مرۆڤ ئاماژەی بەوەشكرد:" لە هەوڵی بەردەوامدام لەگەڵ لایەنەكانی كوردستان و جیهان بۆ رزگاركردنی ئەو كچ و منداڵانەی ئێزدیی كە تائێستا لە دەست داعش ماون, بەهۆی ئەوەی كەسوكاریان لە چاوەڕوانیەكی زۆر ناخۆشدا دەژین، بەهۆی نەزانینی چارەنووسی كەسوكارەكانیان لە دەست داعش".

 

بیروڕا

زۆرترین بینراو