لە ئاكرێ بۆ یەكەم جار ئامادەیی ئێوارانی كچان دەكرێتەوە

لە ئاكرێ بۆ یەكەم جار ئامادەیی ئێوارانی كچان دەكرێتەوە

 

رەمەزان هەرنی

پەروەردەی ئاكرێ ئاگادارییەك بڵاو دەكاتەوە و ئاماژە بەوە دەكات ئەگەر ئارەزوومەندانی خوێندنی ئامادەیی كچان لە ئاكرێ و دەوروبەری حەزی خوێندنیان هەیە ئاماددەیەك دەكرێتەوە بە مەرج .

ساڵح عەبدولعەزیز، بەرپرسی راگەیاندنی پەروەردەی ئاكرێ بە زاری كرمانجی راگەیاند : بۆ بەرژەوەندی گشتی بەباشمان زانیوە هاوشێوەی ئامادەیی كوران ئامادەیی كچان بكەینەوە.

بەرپرسی راگەیاندنی پەروەردەی ئاكرێ گووتیشی:" ئاگادارییەكمان بڵاو كردۆتەوە بۆ ئەم مەبەستە تا رۆژی 6-10 هەر كچێك ئارەزوو بكات دەتوانێت ناوی خۆی بنوسێت بۆ ئەوەی لە قوناغەكانی 10و11و12 ئامادەیی ئێواران تایبەت بە كچان لە ئاكرێ بەردەوامی بە خوێندن بدات.

ساڵح عەبدولعەزیز، ئەوەشی خستەروو:"مەبەست ئەوەیە لە كردنەوەی ئامادەیی كچان ئەو قوتابیانەی نەیان توانیوە بە هۆی دەوامی یەكەمەوە بەردەوامی بەخوێندن بیدەن دەتوانن لە ئامادەیی ئێوارانی كچان خوێندنی ئامادەیی تەواو بكەن بەمەرجێك ژمارەیان لە 20  قوتابی كەمتر نەبێت تا ئامادەیەكە بۆیان دەكرێتەوە.

زۆرترین بینراو