لە ئاكرێ بەرهەمهێنانی زەیتی زەیتون كەمیكردووە

لە ئاكرێ بەرهەمهێنانی زەیتی زەیتون كەمیكردووە

 

رەمەزان هەرنی

لە ئاكرێ‌ رێژەییەكی بەرچاو باغی زەیتون هەیە ساڵانە بە هەزارەها تۆن زەیتون بەرهەمی باغەكانی ئاكرێ‌ یە، بەڵام بەهۆی نەبوونی كارگە هەموو بەرهەمەكە بەخاوی دەفرۆشرێت .

فارس عەبدوڵڵا، خاوەن باغێكی زەیتونە لە ئاكرێ‌ بە ماڵپەری زاری كرمانجی راگەیاند : ساڵانە لە وەرزی پایز دەست بە لێكردنەوە و پاككردنەوەی زەیتون دەكەن لە ئاكرێ‌ رێژەیەكی باش باغی زەیتون هەیە، بەڵام هەمووی بەخاوی دەفرۆشین و نایكەن بەزەیت بەهۆی نەبوونی كارگەی دروستكردنی زەیتی زەیتون،كیلو لە نێوان 1500 بۆ 3500 ـە، نرخی زەیتونی زەردو رەش جیاوازی هەیە لە فرۆشتن و لەكاتی لێكردنەوەش لێك جیا دەكەینەوە زەیتونی رەش نرخی زیاترە لە زەیتونی زەرد.

ئەحمەد جەمیل ، بەرێوەبەری كشتوكالی ئاكرێ‌ بە ماڵپەری زاری كرمانجی راگەیاند : لە سنوری ئاكری ئێستا رێژەی زیاتر لە 50 هەزار دار زەیتون هەیە و ساڵانە زیاتر لە هەزار تۆن بەرهەمی زەیتونی زەردو رەش لە ئاكرێ‌ هەیە، بەڵام بەهۆی نەبونی كارگەی دروستكردنی زەیتی زەیتون خاوەن باغەكان و جووتیاران ناچارن بەخاوی بەرهەمەكەیان بفروشن، ئەگەر كارگەیەك هەبێت جووتیاران زیاتر پەرە بە بەرهەمی زەیتون دەدەن لە دەڤەرەكە.

زۆرترین بینراو