لە ئاكرێ خانووه‌ كۆنه‌كان وه‌ك خۆی نۆژه‌نده‌كرێنه‌وه‌

لە ئاكرێ خانووه‌ كۆنه‌كان وه‌ك خۆی نۆژه‌نده‌كرێنه‌وه‌

رەمەزان هەرنی
لە ئاكرێ‌ خانووە کۆنەكان بە شێوازی کۆنی خۆیان نۆژەندەکرێنەوە كە سیمای كۆنی ئاكرێ‌ وەك خۆی بمێنێتەوە و شێوازە كلتوریەكەیی لەناو نەچێت.
هیوا شەماڵ بەرێوەبەری شوێنەوارەكانی ئاكرێ‌ بە زاری كرمانجی ڕایگەیاند : لە ئاكرێ‌ ئەمساڵیش 10 خانووی مێژوویی ئاکرێ بەهۆی بارانبارینی زۆر رووخاون و مەترسی لەسەر کۆمەڵێک خانووی دیکەش هەن داوا دەكەین لە وەزارەتی شارەوانی و گەشت و گوزار كە ساڵانە بودجەیەكی تایبەت بە نۆژەنكردنەوەی ئاكرێ‌ خەرجبكرێت بۆ ئەوەی مەترسی لەناو چوونی خانووە كۆنەكان نەمێنێت .
بلند رەزا سەرۆكی شارەوانی ئاكرێ‌ بە زاری كرمانجی ڕایگەیاند : لە ئاكرێ‌ تاوەکو ئێستا 22 خانوو و مزگەوتی گەورەی ئاکرێ نۆژەنکراونەتەوە 7 خانوو بە نێوەیی ماونەتەوە پێویستە زیاتر ئاور لە ئاكرێی كۆن بدرێتەوە بۆ ئەوەی سیمای كۆنی خۆی لەدەستنەدات .
ئاكرێ‌ لە ساڵی 1877 بۆتە قەزا یەكێكە لەو دەڤەرانەی زووترین شوێنەواری هەیە لە هەرسێ‌ گەرەكێ‌ چوستەیان و گورەڤا و قاپەكێ‌ كە دەكەونە ناوچەی كۆنی ئاكرێ‌ 340 خانووی كۆنی هەیە."

زۆرترین بینراو