لە ئاكرێ شەش سەرپێچیكاری بڕینی دار دادگایی كراون

لە ئاكرێ شەش سەرپێچیكاری بڕینی دار دادگایی كراون

رەمەزان هەرنی
لە سنوری قەزاكانی ئاكرێ و بەڕدەرەش ئەمساڵ رێژەی بڕینی دار و سەرپێچیكاران لەچاو ساڵانی رابردوو كەمیكردووە، بەڵام هەندێك كەسیش رێنمایەكانی پۆلیس و دارستان جێبەجێ ناكەن.
راید كارزان زاهێر, بەرپرسی راگەیاندنی پۆلیسی دارستان و ژینگە لە قەزای ئاكرێ بە زاری كرمانجی گوت:" ئەمساڵ بەگشتی لە چاو ساڵانی رابردوو رێژەی سەرپێچیكارانی ژینگە كەمیكردووە تەنها شەش كەس لەسەر بڕینی دار دادگایی كراون لە سنورەكەمان .
گوتیشی:" كەسێك لەسەر بڕینی دار زیندانی كراوە بۆ ماوەی سێ مانگ و كەسێكی تر بۆ ماوەی سێ رۆژ دواتر بەكافالەت ئازاد كراوە, لە هەمانكاتدا كەسێك بە بڕێكی دیاركراوی ماددی سزادراوە لەلایەن دادگا كە ناوبراو دارێكی تەمەن سەد ساڵی بریبوو لە سنوری ناحیەی دینارتە.
ئەوەشی خستەروو:" پێویستە هاووڵاتیان یارمەتیدەرمان بن بۆ ئەوەی ژینگەی وڵاتەكەمان تێك نەچێت داواكارین رێنمایەكانی پولیسی دارستان و ژینگە جێبەجێ بكەن, بەهەموو شێوەیەك بڕینی داری تەڕ قەدەغەیە هەر كەسێك سەرپێچیی بكات سزا دەدرێت و رەوانەی دادگا دەكرێت بەهیچ شێوەیەك رێگا بەبڕینی داری تەڕ نادرێت, تەنها ئەگەر خاوەن ئاژەڵێك بۆ مەرامی ئاژەڵداری سەری دارەكان ببڕێت پێویستە بەپێی رێنمایەكانی پولیسی دارستان و ژینگە بێت .

بیروڕا

زۆرترین بینراو