لە ئاكرێ كەسێك 22 ساڵە كۆچی دوایی كردووە و زیندووە

لە ئاكرێ كەسێك 22 ساڵە كۆچی دوایی كردووە و زیندووە

رەمەزان هەرنی

لە گوندی ئامادا لە سنوری ناحیەی دینارتە لە قەزای ئاكرێ كەسێك كە خانەنشینە لە حكوومەتی هەرێم و وەك خۆی دەڵێت، چەندین ساڵە كۆچی دوایی كردووە ماوەی پێنچ ساڵە گۆری خۆی هەڵكەنیوە و هێشتا زیندووە.

مشات نافخۆش، ئەو كەسەی كە زیندوویەو گۆری بۆ خۆی هەڵكەندووە بە زاری كرمانجی راگەیاند:"لە ژیاندا حەزم لە تەنیایی یە گەر هیچ كارێك نەبێت بیكەم نامەوێت لەناو مرۆڤەكان دانیشم بەردەوام حەزم لێیە بەتەنیا دانیشم و لەئەنجامی ئەو بەتەنیا دانیشتنە بیرم لە هەڵكەندنی گۆڕی خۆم كردەوە، لە ساڵی 2015 گۆڕی خۆم هەڵكەندووە و ئامادەمكردووە مێژوویی كۆچی دوایی من كە لەسەر گۆڕەكەشم نوسیوە 23/5/1997 كە لەو مێژوویە كۆچی دوایم كردووە ئەم مێژوویە تایبەتە بەمنەوە بەكەسم نەگۆتوە نهێنی مێژوویەكە و ئامادەش نیم بە كەس بلێم، لەكاتی دروستكردن تا ئێستا خەرجیەكی زۆرم لە گۆڕەكەم كردووە كە نزیك هەزار دۆلار لێم داوە ساڵانە نۆژەنی دەكەمەوە كرێكار بۆی دێنم و هەر كاتێك بەتەنیا بمێنمەوە دەچمەوە سەر گۆڕی خۆم.

گووتیشی:" ئەو گۆڕەی بۆ خۆم دروستكردووە وەك شوێنێكی گەشتیاری لێهاتووە هاوڵاتی بۆ وێنەگرتن سەردانی دەكەن كە دەكەوێتە رۆژهەلاتی ناحیەی دینارتە لەسەر شەقامی گشتی وەسیەتم لە ماڵ و منداڵی خۆشم كردووە لەو گۆرە بم نێژن زۆر جار لە كاتژمێرەكانی نیوەی شەو سەردانی گۆرەكەم دەكەم هەست بە خۆشیەكی زۆر دەكەم لەسەر گۆرەكەم كە دادەنیشم.

نافخۆش، ئەوەشی خستەروو:" لە ساڵی 1955 لە دایكبوومە و ژیانی هاوسەرگیریم پێكهێناوە منداڵیشم هەنە و پێش ئێستا فەرمانبەر بووم ئێستا خانەنیشن بۆمە و لە ساڵی 1997 كۆچی دوایم كردووە بەڵام لە ساڵی 2015 گۆڕم بۆ خۆم دروستكردووە ئەمە ساڵی 2019 و یەو هێشتا زیندوومە هەر كەس ئازادە پێش مردنی گۆر بۆ خۆی هەڵكەنێت و ئامادەی بكات.

 

 

 

زۆرترین بینراو