لە بارەی سڕ كردنی مەلا بەختیار پەیامێك بڵاو كرایەوە

لە بارەی سڕ كردنی مەلا بەختیار پەیامێك بڵاو كرایەوە

ده‌زگای ڕوانگه‌ و ڕه‌خنه‌ی نزیک مه‌لا به‌ختیار، ئه‌ندامی ئه‌نجومه‌نی باڵای سیاسی و به‌رژه‌وه‌ندی یه‌کێتی له‌باره‌ی سڕکردنی مه‌لا به‌ختیار په‌یامێکی بڵاوکرده‌وه‌.
له‌کۆبونه‌وه‌ی ئه‌نجومه‌نی سه‌رکردایه‌تی یه‌کێتیدا مه‌لا به‌ختیار ئه‌ندامی ئه‌نجومه‌نی باڵای سیاسی به‌هۆی ده‌رکردنی کتێبی(له‌ جیاتی بیره‌وه‌ری) بۆ ماوه‌ی سێ مانگ له‌لایه‌ن سه‌رکردایه‌تییه‌وه‌ یڕکراوه‌و هه‌ریه‌که‌ له‌ قوباد تاڵه‌بانی جێگری سه‌رۆکی حکومه‌ت و رێواز فایه‌ق سه‌رۆکی په‌رله‌مان ئینزار(ئاگادار کردنه‌وه‌)یان پێدراوه‌ به‌هۆی به‌شداری کردنیان له‌ کۆبونه‌وه‌ی سێ سه‌رۆکایه‌تییه‌که‌ تایبه‌ت به‌ پرسی کورتهێنانی دارایی(یاسای قه‌رز)

ده‌قی په‌یامه‌که‌ی ڕوانگه‌ و ڕه‌خنه‌:
ڕێکه‌وتێکی جوانه‌

٢١/١١/١٩٧٦ شیهاب و هاوڕێکانی شه‌هید ده‌کرێن

مه‌لا به‌ختیار و هاوڕێکانی به‌ ده‌ستی خۆیان ده‌ینێژن

به‌ ده‌ستی خۆیشیان تۆڵه‌یان ده‌که‌نه‌وه‌ و ته‌قه‌ له‌ محافزی سلێمانی ده‌که‌ن

له‌ ٢١/١١/٢٠٢٠ یش سه‌رکردایه‌تی یه‌کێتی بڕیاری سڕکردن بۆ مه‌لا به‌ختیار ده‌رده‌که‌ن

ئه‌مه‌ خه‌ڵاتی حزبایه‌تی یه‌
خه‌ڵاتی جیاوازی یه‌
خه‌لاتی بازرگانی نه‌کردنه‌

لە ماڵپەڕی هاووڵاتی وەرگیراوە

 

 

 

زۆرترین بینراو