لە بازاڕی سۆران هێڵكە بە دەست ناكەوێت

لە بازاڕی سۆران هێڵكە بە دەست ناكەوێت

بەرەڤان شاکر سلێمان لاچ

دوای بڕیارێکی حکومەتی عێراق، هاوردەکردنی هێڵكە لە دەروازە سنووریەکان قەدەغەکرا، ئەمەش وەک پاڵپشتیەک بۆ بەرهەمی خوماڵی.
ئەگەر چی هێڵکە ژەمێکی سەرەکی خواردنی خەڵکی کوردستانە، بەڵام لە ئێستادا نرخی یەک دەستە هێڵكە بۆ سەرووی ٥۰۰۰ دینار بەرزبۆتەوە.
بێوار دوسکی، بازرگانێکی هاوردەکردنی هێڵکەیە بۆ زاری كرمانجی دەڵێت"دوای بڕیارەکەی حکومەتی عێراق، لە گشت دەروازە سنووریەکان هاوردەکردنی هێڵكە قەدەغەکراوە، ئەمەش وایکردووە نرخی تەبەقەیەک هێڵكە بۆ دوو بەرامبەر زیاد بکات، ئەو بڕە هێڵكەی لە بازارەکانی کوردستانیش هەیە بە قاچاغی هاوردەدەکرێت ".
هاووڵاتیەکیش رایگەیاند" نازانم ئەم بڕیارە چیە کە حكومەت دەری كردووە کە توانای بەرهەمهێنانی هێلکەمان نیە با لە خەڵک بگەرێن خواردن و خواردنەوە داخل بکەن"
پسپۆرێکی ئابووریش دەڵێت" ئەم بڕیارەی حکومەتی عێراق زۆر بەجێیە، بەڵام دەبوایە بەر لە جێبەکێکردنی بڕیارەکە توانای دابینکردنی بەرهەمی ناوخۆی هێلکە دابینکردبایە"
ئەو پسپۆرەی ئابووریەش جەختی لەوە كردەوە" ئەگەر گرنگی بە بەرهەمی خوماڵی بدرێت ئەوا ساڵانە بڕێکی زۆری پارە بۆ ناوخۆ دەگەرێتەوە"

زۆرترین بینراو