لە بالیسان ڕێكارەكانی ئەمنی و تەندروستی توندو تۆڵتر دەكرێن

لە بالیسان ڕێكارەكانی ئەمنی و تەندروستی توندو تۆڵتر دەكرێن

محەمەد ئامۆكەیی_ زاری كرمانجی: لە ناحیەی بالیسان بەمەبەستی تەشەنە نەكردنی زیاتری ڤایرۆسی كۆڕۆنا و رێكخستنەوەی هاتووچۆ لە نێوان رانیە و بالیسان بازگەیەكی تر دانرا.
فەرهاد عەزیز، بەڕێوبەری كارگێڕی نەخۆشخانەی بالیسان، بەزاری كرمانجی راگەیاند" لەسەر داواكاری ئێمە وەك تیمی تەندروستی لەو سنوورە داوامان لە بەرپرسانی ئاسایش و پۆلیسی بالیسان كرد، بۆ ئەوەی بازگەیەكی كاتی دابندرێت لەنێوان بالیسان و رانیە، ئەوانیش داواكارییەكەیان بەهەند وەرگرت و ئێستا تیمێكی 24 كاتژمێری جێگیر كراوە، ئامانج لەو بازگەیەش بۆ رێگەگرتن لە هاتووچۆی بەردەوام و تێكەڵاوی لە نێوان ئەم دوو سنوورەدا."
فەرهاد عەزیز، ئەوەشی گووت" بڕیارە بازگەیەكی تر لە ناوەندی ناحیەی بالیسان دابندرێت بۆ ئەوەی كەمترین بەریەككەوتن وتێكەڵاوی و هاتووچۆ لەناوچەكە رووبدات، سەرەڕای چاودێری كردنی شوێنە گەشتیارییەكانی ناوچەكە لەلایەن پۆلیسی بالیسان بە بەردەوامی".

بیروڕا

زۆرترین بینراو