لە دەڤەری سۆران توشبوون بە کۆرۆنا  زۆرە و گیان لەدەستدانیش تۆمارکراوە

لە دەڤەری سۆران توشبوون بە کۆرۆنا  زۆرە و گیان لەدەستدانیش تۆمارکراوە

زاری کرمانجی - سۆران
ئەمڕۆ ٧ نیسان، رۆژی جیهانی تەندروستییە لە دونیا بەچەندین چاڵاکی جۆراو جۆر یادی ئەو رۆژە کرایەوە.
لەماوەی ٢٤  کاتژمێر رابردوو لە سنوری بەڕێوەبەرایەتی تەندروستی سۆران لەکۆی ١٠١  پشکنین کە  ئەنجامدراون، ٢٧ کەس تووشی ڤایرۆسی کۆرۆنا بوونە و ٢ کەسیش گیانیان لەدەستداوە.
جەواد مەهدی، بەڕێوەبەری سەنتەری نەخۆشییەگوازراوەکانی سۆران بە زاری کرمانجی راگەیاند: لەماوەی ٢٤  کاتژمێری رابردوو لە سنوری بەڕێوەبەرایەتی تەندروستی سۆران لەکۆی ئەو ١٠١ پشکنینانەی کە وەرگیرابوون، ٢٧ کەس وەک  تووشبووی کۆرۆنا تۆمارکراون، لەو ژمارەیەش ٣ کەسیان دانیشتووی سنوری قەزای مێرگەسۆرن و ١ کەسیان هی رواندزو  ٣ کەس لە  قەزای چۆمان و ٢١ کەسیشیان  دانیشتووی سۆرانن .
جەواد مەهدی گووتیشی: ١٢  نەخۆش لە سەنتەری نەخۆشییە گوازراوەکانی سۆران لە ژێر چاودێریدان، لەماوەی ٤٨ کاتژمێری رابردوو ٢ نەخۆش بەهۆی ڤایرۆسی کۆرۆنا لەسەنتەری نەخۆشییەگوازراوەکانی سۆران گیانیان لەدەستداوە.
لەسەر وەرگرتنی ڤاکسینیش گووتی:ٚ تائێستا ١٢٠ کەس ڤاکسینەکەیان وەرگرتووەو لەرێگەی لینکێکەوە هاووڵاتییان دەتوانن ناوی خۆیان تۆماربکەن بۆئەوەی ئێمەش لای خۆمانەوە نۆرەوکاتی لێدانی ڤاکسینیان بۆدەستنیشان بکەین، ئەو ڤاکسینە بەسەر پێنج بنکە دابەشکراوە لەهەریەکە لە ناو سۆران و رواندزو خەلیفان  بڕیاریشە لەرۆژانی داهاتوو بڕە ڤاکسینی زیاتر بگاتە سۆران بۆئەوەی بدرێت بە هاووڵاتییان.
داواش لە هاووڵاتییان دەکەین بۆ پارێزراویی و سەلامەتی گیانی خۆیان  پابەندی رێنماییە تەندروستییەکان بن.

زۆرترین بینراو