لە دەڤەری سۆران 50  ئۆتۆمبێل سووتاون

لە دەڤەری سۆران 50 ئۆتۆمبێل سووتاون

دیدار-محەمەد هەسنانی: بەپێی ئامارێكی بەڕێوەبەرایەتی بەرگری شارستانی سۆران، لەساڵی رابردوو لە دەڤەری سۆران 49 ئۆتۆمبێلی هاووڵاتییان سووتاون، بەڕێوەبەری بەشی هونەری بەرگری شارستانی سۆرانیش، هۆكارەكەی ئاشكرا دەكات و رێنمایش بە هاووڵاتییان دەدات.
رائید كاروان میر ئاودەلی، بەرپرسی بەشی هونەری لە بەڕێوەبەرایەتی بەرگری شارستانی سۆران، بە زاری كرمانجی راگەیاند " جێگەی سەرنجە كە ساڵی 2019 جیاواز لە كۆی ساڵەكانی دیكەی رابردوو، رووداوەكانی تایبەت بە سووتانی ئۆتۆمبێل بە بەراورد لەگەڵ چەند ساڵی رابردوودا بەشێوەیەكی بەرچاو لەو سنوورە زیادی كردووە، ئەگەرچی تیمەكانمان لە تەواوی جوگرافیای تایبەت بە بەڕێوەبەرایەتیمان زۆر بەباشی و خێرایی دەرچوون بۆ شوێنی دروستی روداوەكان و كاریان لەسەر هونەری كۆنترۆڵكاریەكان كردووە، كەچی سووتانی ئەو ژمارە زۆرەی ئۆتۆمبێل لەساڵی رابردوودا خوێی لەخوێدا جێگای هەڵوەستەكردنە، لەلایەن تەواوی دەزگاكانی میری و بەتایبەت وەزارەتی گواستنەوە و رێگاوبان و وەزارەتی پیشەسازی و چەند لایەنێكی دیكە، هەربۆیە ئێمە وەك شارەزایانی بواری بەرگری شارستانی ئەم پرسە بە پرسێكی گرنگ و مەترسیدار دەزانین كە لەگەڵ فەلسە فەوزانستەكانی بەرگری شارستای ناگونجێت".
بەرپرسی بەشی هونەری بەڕێوەبەرایەتی بەرگری شارستانی سۆران، گووتیشی " ئێمە وەك بەرگری شارستانی هۆكاری ئەم رووداوانەو سووتانی ئەم ژمارە زۆرە ئۆتۆمبێلەتەنها لەواوەی ساڵێكدا، دە گێرینەوە بۆ چەند هۆكارێك:
- هۆكاری سەرەكی خراپی بەنزین و تێكدانی (فیول پەمپ) كە كارلێكێكی خراپی درووستكردنی رووداوەكانی گڕ گرتنەكانە.
- ناهۆشیاری شوفێران لە بێ‌ ئاگابوونیان لە توندوو تۆڵنەبوون و ئاریشەكانی ئۆتۆمبێێلەكانە لەمەڕ خراپی بزوێنەرەكان .
- .درووست بوونی شورتی كارەبایی و دزە كردن و زیادوو كەمی لە هێزەكانی باتری و دەستكاری كردنیانە بە شێوەی ناتەندروست.
- سەرپێچی كردنی شۆفێران لە یاساكانی هاتووچۆداو لەهەندێ رووداو تیژڕەووی و لەدەست وەرگرتن و هەروەها وەڕگەرانیان لە ئەنجامدا رووداوی ئاگرەكان درووست دبن.
- هەڵنەگرتنی ئامێرەكانی كۆنترۆڵكارییە وەك ئامێرەكانی بتڵی دەستی دژە ئاگرەكان، لەكاتی دروست بوونی ئاگرە سەرەتاییەكان كە ئەویش سەرپێچی شوفێرانە بە یاساكانی هاتووچۆیی و بەرگری شارستانی، ئەمە وای كردووە ساڵی 2019 ساڵێكی جیاواز بێت، لەرووداوەكای تایبەت بە سووتانی ئۆتۆمبێلەكان، جگەلە گۆڕانی باروودۆخی ژینگەیی و پلەی گەرمای وەرزی هاوین".
رائید كاروان میر ئاودەلی، دەشڵێت " لەگەڵ ئەوەی ساڵی رابردوو ئەم ژمارە زۆرە ئۆتۆمبێلە سووتاون، لە هەمانكاتیشدا بەپێی داتاو ئامارەكانمان لە 2019 رووداوەكانی ئاگرە جۆرا و جۆرەكان بریتی بوونە 597 رووداو، لە سنووری بۆ چوار قەزاو سنوورەكەمان كە 17 بنكەی بەرگری شارستانی لە خۆدەگرێت، كە بەپێی ئامارەكانمان بە بەراود بەساڵانی رابردوو كەمیان كردووە، ئەمەش بەهەموو بۆ ئەم كارو چالاكیانەمان دەگەڕێتەوە، كە بەردەوام هەڵمەتی هۆشیار كردنەوەمان ئەنجامداواو رێنمایمان بە هاووڵاتییان داوە لە چۆنیەتی میكانیزمەكانی خۆپاراستنیان و شێوازی رەفتاركردنیان، لەگەڵ كۆی رووداوەكانی بەرگری شارستانی .

 

زۆرترین بینراو