لە رواندز باندێكی پارەی ساختە دەستگیرا

لە رواندز باندێكی پارەی ساختە دەستگیرا

پشتیوان كەریم-رواندز:
ئەمڕۆ شەممە 19-9-2020 باندێكی سێ‌ كەسی كە پارەی ساختەیان پێ بووە، لەسنووری قەزای رواندز دەستگیر كران.
عەقید حەتەم بابكەی، بەڕێوەبەری ئاسایشی رواندز بە زاری كرمانجی ڕاگەیاند: "ئەو گرووپەی دەستگیر كراوە لە سێ كەس پێكهاتبوون و یەكێك لەوانە تۆمەتباری سەرەكییە، ئەو تۆمەتبارانە بڕی 10 هەزار دۆلاری ئەمریكی و بڕێك پارەی ساختەكراوی عێراقیشیان پێ بووە".
دەشلێت: "ئەو پارەیەی ساختە كراوە، لە دەرەوەی وڵات هاوردە كراوە و هۆشداری بە هاونیشتمانیان دەدەین كە بەشێكی ئەو پارانە زۆر ورد ساختە كراون، لەگەڵ پارەی ئۆرجیناڵدا بە زەحمەت لێك جیا دەكرێنەوە".
زیاتر گووتیشی: "باندەكە سێ كەسی خەڵكی پارێزگای حەللەن لە عێراق, هەروەها ئەو كەسانە بەشێكی پارە ساختەكانیان لە هەولێر و شەقڵاوە و خەلیفان بۆ كڕینی هەندێ كەلوپەل ساغ كردووەتەوە, بەڵام لە هاوینە هەواری بێخاڵ لە خاوەن دووكانێك كەل و پەلیان كڕیووە دواتر دەركەوت ئەو پارەیە ساختەیە, دەست بەجێ لەلایەن تیمەكانمان لەو شوێنە دەستگیریان دەكەن".
لە كۆتایشدا گووتی: "ئێمە وەك ئاسایشی قەزای رواندز سوپاسی بێ پایانی هاووڵاتییانی قەزای رواندز دەكەین, كە زۆر هاوكار و هەماهەنگن لەگەڵ ئێمە, كە لەهەموو كات و ساتێكدا هەر شتێك جێگای گوومان بێت پێمان رادەگەیێنن.

بیروڕا

زۆرترین بینراو