لە رووی یاساوە هەڵگرتنی پارێزبەندی رێگەپێدراوە

لە رووی یاساوە هەڵگرتنی پارێزبەندی رێگەپێدراوە

هەڵگرتنی پارێزبەندی سۆران عومەر بۆ مەرامی سیاسی گەورە كرا


موڕشید برادۆستی – سۆران: لە ماوەی رابردوو، پەرلەمانی كوردستان بە زۆرینەی دەنگی ئەندامانی بڕیاریدا بە هەڵگرتنی پارێزبەندی لە سۆران عومەر پەرلەمانتاری فراكسیۆنی كۆمەڵی ئیسلامی كوردستان، ئەمەش دەنگدانەوەی زۆری بەدووای خۆیدا هێنا .
بەپێی ماددەی (24)لەپەیرەوی ناوخۆی پەرلەمانی كوردستان، هەمووئەندامێكی پەرلەمان پارێزبەندی هەیە و نابێت لێكۆلینەوەی لەگەڵ بكرێت یان ماڵ و نوسنگەكەی بپشكێندرێت یان دەستگیربكرێت بە بێ مۆلەتی پێش وەختەی پەرلەمان، بەڵام لەهەمان ماددەدا و لەبرگەی (4)دا هاتووە پەرلەمانتار پارێزبەندی لەسەرهەلدەگیرێت بەدەنگی زۆرینەی ئامادەبووانی دانیشتنی پەرلەمان ئەوكات وەكو هەرهاولاتێكی ئاسایی مامەلەی لەگەل دەكرێت.
زاری كرمانجی لە راپۆرتێكیدا بۆچوونی چین و توێژەكان لە بارەی هەڵگرتنی پارێزبەندی ئەو ئەندامەی فڕاكسیۆنی كۆمەڵی ئیسلامی لە پەرلەمانی كوردستان دەخەنەڕوو، محیەدین بادلی نوسەر و دانیشتووی سۆران بە زاری كرمانجی گووت" چەندان جارە سۆران عمر، پەرلەمانتار لە سەر لیستی كۆمەڵی ئیسلامی، لە لێدوانەكانیدا تۆمەت و بوختانی بۆ حكومەت و حزب و كەسایەتییە سیاسیەكانی ئاڕاستەكردووە، بۆ هەر تۆمەتێكیش لەلایەن هەركەسێكەوە، پێویستی بە دادگا و داتا و سەلماندن هەیە، بۆیە پەرلەمانی كوردستان بۆ سەلماندنی ڕاستی و نادرووستی تۆمەتەكانی سۆران عمر، كەلەلایەن دادگاوە داواكراوە، پەنای بۆ یاسای پەرلەمان برد، بە هەڵگرتنی پارێزبەندی بەپێی مادەی 24 لە پەیڕەوی ناوخۆیی پەرلەمانی كوردستان، كە ئەوەش لە پەیڕوەكەی پەرلەمان كارێكی یاسایی و ئاسایی و درووستە.
زیاتر گووتی" كۆی یاساكانی هەرێمی حكومەتی هەرێمی كوردستان لەلایەن پەرلەمانی كوردستانەوە پەسەند كراون، بۆیە دەبێت پەرلەمانتاران بەر لەهەموو كەسێكەوە پێیەوە پابەندبن. هەموومان دەزانین كە چەندین جاران خودی سۆران عمر و هاوبیرانی باسیان لەسەروەری یاسا كردووە، دەبێت خۆشیان ڕێز لە یاساو دادگاكان بگرن و پابەندی بڕیارە یاساییەكانبن".
بادلی، ئاماژەشی بەوەدا" ئەوەی لە پەرلەمانی كوردستان كراوە و بە زۆرینەی دەنگی پەرلەمانتاران پاریزبەندی لە سۆران عمر وەرگیرایەوە، بەتەواوی یاسایی و دیموكراسیانە بووە، لێرەدا دەردەكەوێت ئەگەر سۆران عمر لە تۆمەت و گوفتارەكانی ڕاستگۆ بووە و بەڵگەی بەردەست و ڕوونی هەیە، نابێت لە دادگا بترسێت و بڕیاری پەرلەمان بە نادرووست ناوببات، بەڵام من دڵنیام ترسی سۆران و ئەوانەی پاڵپشتی لێدەكەن دۆڕاندنی كاك سۆرانە لەبەردەم دادگا، لەسەر ئەو قسەو بوختانانەی كە بۆ چەواشەكاری و ئالۆزكردنی دۆخی ئێستای كوردستان عەرزی كردوونە، بەتایبەتی ئەو هەڵچوون و فۆبیا لەمێژینەیەی كە بەرامبەر بە پارتی هەیەتی و لەلایەن كەسانێكەوە پاڵ ئەنرێت!!
گووتیشی" خەڵكی كوردستان باش دەزانن، ئەو بڕیارەی پەرلەمانی كوردستان بێجگە لەوەی درووست و یاسایی بووە، لەهەمانكاتدا، هۆكارێكە كە بە ڕێكاری یاسایی و زۆرینەی دەنگی پەرلەمانی و ڕێزگرتن لە دادگاكان، یەكلای دەعواكان و لێكجیاكردنەوەی ڕاستی و بوختانەكان دەكرێت، دووربوونەوەیە لە ووڵامكاری و قسەفڕێدانی بێ بنەما. هەروەها پەندێكیشە بۆ ئەوانەی كە خۆیان لەسەرووی یاسا دەبیننەوەو بەبێ بەڵگەو شاهێد كەوتوونەتە گیانی حكومەت و دارو بەردی وڵاتەكەمان، بابزانن بوختان و درۆكانیان سووردەكرێنەوەو لەبەردەم دادگا شەرمەزار دەبن".
حامد نازم خورشید یاسا ناس لە بارەی هەڵگرتنی پارێز بەندی ئەندامانی پەرلەمان بە زاری كرمانجی گووت" بەپێی یاسای ئەندامانی پەرلەمان، ئازادی ئاخـاوتن و رادەربرینـی تـەواویان هەیـە لـەكاتی ئەنجامـدانی كــاری پەرلەمانیــدا، بــە شــێوەیەك رچــاوی رێزگــرتن لــە دامــەزراوە دەستورییەكانی هەرێم لە َچوارچێوەی یاسا كارپێكراوەكان بكات..
زیاتر گووتی" هەڵگرتنی پارێزبەندی هەر ئەندامێكی پەرلەمان، پێویستی بە دەنگی زۆرینـەی ئامـادەبووانی پەرلەمان هەیە و لەدەرەوەی وەرزەكانی یاسادانانیش، دەستەی سەرۆكایەتی بڕیـاڕ لەسەر هەڵگرتنی پارێزبەندی دەدات واتا (50+1) لە كۆی 111 ئەندام ئەگەر 56 ئامادەبون، لە بابەتی پەرلەمانتار سوران عمر زۆرینەی ئەندامانی پەرلەمان دەنگیاندا بە هەڵگرتنی پارێزبەندی لەو ئەندام پەرلەمانە و ئەمەش كارێكەی تەواو یاساییە".
ئاماژەشی بەوەدا" بڕیـاری هـەڵگرتنی پارێزبەنـدی، تـەنیا بـۆ ئـەو كـردە تاوانییەیـە، كـە لـە (داواكەی دادوەری هاتووە)، لەم كەیسەش بە بریاری دادوەر بووە، ئەو ئەندامەی پارێزبەندیی لەسەر هـەڵگریاوە و رانـەگریاوە (توقیـف )، دەتوانێـت بەشـداری دانیشـتنەكانی پەرلـەمان و كۆبوونــەوەی لیژنــەكان، بكــات و بەشــداریش بێــت لــەگفتوگۆكردن و دەنگداندا. لەم برگەیەش دەردەكەوێ كە هەلگرتنی پارێز بەندی مانای كۆتای هاتن یان لێسەندنەوەی مافی پەرلەمانتاری نییە ، لەم ئەندام پەرلەمانە دەتوانی كاری خۆی بكات و بەشداری دانیشتنەكان بێت تەنها لە و كاتە ناتوانێت كە بن دەستە (توقیف) .
لای خۆشیەوە، وەیسی سەعیدوەیسی ئەندامی فڕاكیسۆنی پارتی لە پەرلەمانی كوردستان بە زاری كرمانجی راگەیاند" بەپێی ماددەی (24)لەپەیرەوی ناوخۆی پەرلەمانی كوردستان هەمووئەندامێكی پەرلەمان پارێزبەندی هەیەنابێت راوەدوویان لێكۆلینەوەی لەگەل بكرێت یان مال ونووسنگەكەی بپشكێندرێت یان دەستگیربكرێت بە بێ مۆلەتی پێش وەختەی پەرلەمان بەڵام لەهەمان ماددەداولەبرگەی (4)داهاتووپەرلەمانتارپارێزبەندی لەسەرهەلدەگیرێت بەدەنگی زۆرینەی ئامادەبووانی دانیشتنی پەرلەمان ئەوائەوكات وەكو هەرهاولاتێكی ئاسایی مامەلەی لەگەل دەكرێت . بەداخەوەهندێك پەرلەمانتار لە ژێر پەردەی پارێزبەندی(حەصانە) وئازادی رادەربرین دنیایەك بێڕێزی و تۆمەت وبوختان بلاو دەكەنەوە".
زیاتر گووتی" جاری یەكەم نییە، سۆران عومەر بەسوود وەرگرتن لەپیشەی پەرلەمانتاریەكەی تۆمەت و بوختان دەنێتەوە كە پێشتریش لەسەر كەیسێكی دیكەی تۆمەت هەڵبەست لەبەردەم دادگا دۆڕاو وەك شتێكی رەمزی تەنها بڕی ( دووسەد و پەنجا دیناری عێراقی) وەك قەرەبوو لێی وەرگیرا !! كەپێشبینی دەكرا ئیدی وازبێنێت لەدرۆ و بوختان نانەوە، بەڵام وەك پێشەی هەمیشەیی بەردەوام بوو لە سەردرووست كردنی تۆمەت، گوایە حكوومەتی هەرێمی كوردستان ملیارێك دۆلاری لەبانكێكی لوبنانی داناوە بۆراستی ئەم كەسیەش سەرۆكایەتی داواكاری گشتی سەرقاڵی لێكۆلینەوەیە بەوپێیەی سۆران عومەر ئەندام پەڕلەمانی كوردستانە‌، پێویست بوو بەپێ پەیڕەوی ناوخۆی پەرلەمانی كوردستان پارێزبەندی لەسەر هەڵبگیرێت كەلەكۆبونەوەی ئاسایی ژمارەچواری وەرزی بەهارەی ساڵی دووەمی خولی پێنجەمی دا بەزۆرینەی دەنگی پەرلەمانتاران پارێزبەندی لە سەر سۆران عومەر هەڵگیرا كە ئەمەش شتێكی یاسایی و پەیرەوییە چونكە پەرلەمانتار نوینەری میللەتە جا حەقە بپرسین ئایە میللەت بەرامبەر دادگا پارێزبەندی هەیە تا پەرلەمانتاریش هەیبێت، بۆیەش دەبێت سۆران عومەر جیاوازبێت پێش هەموو كەس، زیاتر پابەندی یاسا بێت، كەچوونی پەرلەمانتار بۆ بەردەم دادگا، دیاردەیەكی مەدەنی و مۆدێرنە".
وەیسی سەعید، دووپاتی كردەوە، ئەو بابەتە بۆمەرامی سیاسی زیاد لەپێویست گەورە كراو و بەكارهات، بۆیەش گرنگە خەلكی كوردستان لەبابەتی هەڵگرتنی پارێزبەندی سۆران عومەر ئاگاداربن كە لەسەر ئەوە نییە كە نابێ پەرلەمانتار قسە و بەدواداچوون بكات. بەلكوخودی سەرۆكی حكومەتی هەرێمی كوردستان هەمیشە لە سەر بنەمای شەفافیەت و چاكسازی كارەكانی كردوەو دەستخۆشی و سوپاسی هەر پەرلەمانتارێك و كەسێك دەكات كە لە چاكسازی هاوكار بێت. بەلام ئەمەی سۆران بە پێی یاسا و بۆ سەروەر بوونی یاساو رێككارە قانونیەكان گیراونەتە بەر و هەڵگرتنی پارێزبەندی بۆ ئەوەیە تا سۆران بچێتە بەردەم دادگا و لەوێ بەڵگەكانی بخاتە روو. كەیەكلاكردنەوەی كەیسەكان لەدادگا لوتكەی دیموكراسیەتە و نابێت كەس خۆی لەسەرووی دادگاببینێت وئەركە هەمووان پشتیوانی لێ بكەین كەلەئەسڵدا پارێزبەندی وەرگرتنی مۆڵەتە كە ئەمەش یەكەمجارنییە كەپارێزبەندی لەسەرپەرلەمانتار هەڵدەگیرێت لەخولی سێیەمیش دا پەرلەمانتار هەبووە پارێزبەندی لەسەر هەڵگیراوە كە بەم شێوەیەدەتواندرێت زیاتر دیموكراسیەت بچەسپێندرێت".
گووتیشی" نابێت ئەمەش والێك بدرێتەوەكەزۆرینەی پارتی لەپەرلەمانی كوردستان بۆكەم كردنەوەی دەنگی نارازیەبەلكوهەمیشەلەگەل بیرورای جیاوازدابووینەكەپارتی هەمیشەبە(تواچعی)سیاسی ودوورلە(غروری )سیاسی مامەلەی كردوەلەرابردووشدادەركەوتووەزۆرینەی پارتی زامنی هێشتنەوەی كوردستانەبەئارامی وەئەم بابەتەی هەلگرتنی پارێزبەندی هیچ پەیوەندێكی بەپارتیەوەنیەچونكەپەرلەمانتارێك ناوزراندن وتەشهیربەرامبەردامەزراوەێكی هەرێم كردووەولەلایەن دامەزراوەدەستورییەكان سكاڵای لەسەرتۆماركراوەناكریت بكرێتەپرسێكی سیاسی".

زۆرترین بینراو