لە سۆران بازاڕی كڕین و فرۆشتنی ئاژەڵ جمەی دێت

لە سۆران بازاڕی كڕین و فرۆشتنی ئاژەڵ جمەی دێت

بەرەڤان شاكر سلێمان لاچ- سۆران:
خەڵك رووی لە كڕینی ئاژەڵ كردووە بۆ ئەوەی بۆ جەژنی قوربان بكەنە قوربانی، بە گوتەی فرۆشیارانیش، ئاژەڵانی ئەمساڵ هەموو خۆماڵینە و رۆژ بۆ رۆژیش نرخیان بەرز دەبێتەوە.
یوسف حەسەن، پیشەوەرە و كاری كڕین و فرۆشتنی ئاژەڵەكان دەكات، سەبارەت بە بازاڕی ئاژەڵەكان لە سۆران بە ماڵپەڕی زاری كرمانجی راگەیاند:" بە بەراورد بە رۆژانی رابردوو گۆڕانكاریەكی ئەوتۆ بەسەر نرخی ئاژەڵەكاندا نەهاتووە، رۆژ بۆ رۆژ بازاڕی كڕین و فرۆشتنی ئاژەڵ خۆش دەبێت، بەڵام ساڵانە دوو رۆژ پێش جەژن ئاژەڵەكان زیاتر دەفرۆشرێن و نرخەكانیش تا رادەیەك بەرزبوونەوە بەخۆیەوە دەبینن.
ئەو پیشەوەرە دەشڵێت:" ئەو ئاژەڵانەی ئەم ساڵ لە مەیدانەكاندا هەنە زۆربەیان خوماڵینە و بەرهەمی ناوخۆن، بەڵام ساڵانی رابردوو زۆربەی ئاژەڵەكان لە وڵاتانی دراوسێ دەهێنرانە ناو بازاڕ.

زۆرترین بینراو