لە سۆران دەست بەسەر جگەری قەدەغەكرا و كەلوپەلی ماوە بەسەرچوودا گیرا

لە سۆران دەست بەسەر جگەری قەدەغەكرا و كەلوپەلی ماوە بەسەرچوودا گیرا

لە سۆران پشكنین بۆ گۆشتفرۆشان، نانەواخانە و دوكانەكانی خواردەمەنی كرا، دەستیش بەسەر جگەری قەدەغەكرا و كەلوپەلی ماوەبەسەرچوودا گیرا.
لەلایەن لیژنەی ئابووری قایمقامیەتی قەزای سۆران زۆربەی گوشت فرۆشەكانی سۆران و نانەواخانە و دوكانی خواردەمەنی لەناو بازاڕ و گەرەكی حەریق و جوندیان بەسەر كرانەوە، چەند خاوەن دوكانێكیش بانگهێشتی لیژنەكە كران، بە مەبەستی پێدانی رێنما و سزادانیان.
مەبەست لە پشكنین و چاودێری و بەدواداچوونەكانی قایمقامیەتی سۆران لە پێناو بەرژەوەندی گشتی و پاراستنی تەندروستی هاووڵاتیانە، كە هەر شوێنێك پابەند نەبێ بە ڕێنماییەكان، رێكاری یاسایی بەرامبەر خاوەنەكانیان دەگیرێتەبەر، هەروەها بەدواداچوون بۆ هەموو ئەو سكاڵایانە كرا، كە رۆژانە ئاراستەی لیژنەكانی قایمقامیەت دەكرێن.

زۆرترین بینراو