لە سۆران دەست بە پڕۆژە خزمەتگوزارییەكان دەكرێت

لە سۆران دەست بە پڕۆژە خزمەتگوزارییەكان دەكرێت

موڕشید برادۆستی – سۆران: ماوەی چەند رۆژێكە دەست كراوە بە نۆژەن كردنەوە و قیڕتاوكرنی ژمارەیەك گەڕەك و كۆڵانی قەزای سۆران سەر بە پارێزگەی هەولێر .
حكومەتی هەرێمی كوردستان لە بوددجەیەكی تایبەتدا، زیاتر لە 3 ملیار دیناری بۆ قیڕتاو كردنی رێگای گەڕەكەكانی سۆران تەرخان كردوە و هەریەك لە گەڕەكەكانی هەرێم، كانی، بانە ، زۆزك ، بەختیاری، سەرووچاوە، شەوكەت شێخ یەزدین، دووسایدی دەروازەی شار و ژمارەیەك گەڕەك و كۆڵانی دیكە .
هەردی سولێمان گەنجێكی دانیشتووی گەڕەكی بەختیاری لە سۆران بە زاری كرمانجی گووت " چەند ساڵێكە بەدەست خراپی رێگای گەڕەكەكەمان گرفتار ببووین و بە رادەیەك بێزار ببووین لێرە حەزمان بە ژیان نەدەكرد، چەند ماڵێكیش بەهۆی كەمی خزمەت گوزاری ماڵی خۆیان گوواستۆتەوە بۆ شوێنێكی تری سۆران، بەڵام خۆشبەختانە ئێستا حكومەت رێگای سەرەكی گەڕەكی كانی قیرتاو دەكات ئەمەش ئاسانكاری باش بۆ هاتووچۆمان دروست دەكات .
مهاباد محەمەد كچە قوتابیەكی زانكۆی سەلاحەدینە و دانیشتووی قەزای سۆرانە بە زاری كرمانجی گووت " دووای درووست بوونی قەیرانی دارایی حكومەت پڕۆژە خزمەت گوزاریەكانی وەگەڕ خستۆتەوە، ئەمەش جێگەی دەستخۆشییە، هەرچەندە زۆربەی گەڕەكەكان پێویستییان بە پێشكەش كردنی خزمەت گوزاری و نۆژەن كردنەوەی رێگاوبانەكان هەیە، بەڵام بە بڕووای من گرنگترین پڕۆژە چاككردن و قیڕتاو كردنی رێگای دەروازەی شاری سۆرانە، چونكە هەر خەلكی بیانی و گەشتیاران بۆ یەكجاریش سەردانی ئەو ناوچەیان كردبا بۆیان دەردەكەوت كە بەتاسە و رێگایەكی خراپ پێشوازیان لێ كرا، چونكە لە هەموو دنیا رێگا و بانەكان بە یەكێك لە گرنترین هۆكار دادەندرێت بۆ بەرەو پێشچوونی شار و شارۆچكەكان .
لەلای خۆشیەوە، ئەندازیار ئەمیر فاخر بەڕێوەبەری شارەوانی سۆران بە زاری كرمانجی راگەیاند" نزیكەی 30 ساڵ بوو بەشێك لە گەڕەكەكانی سۆران دەستی ئاوەدان كردنەوە و نۆژەن كردنەوەییان پێنەگەیشتبوو, خۆشبەختانە دووای هەوڵێكی زۆر توانیمان رەزامەندی زیاتر لە 3 ملیار دینار لە بوددجەیەكی تایبەتی حكومەت بۆ قیڕتاوكردنی چەند گەڕەكێكی سۆران وەربگرین .
دووپاتی كردەوە، هەر وەك پێشتر بەڵێنمان بە هاوشارانمادا بۆ قیڕتاوكردنی 10 گەڕەكی سۆران, لە ئێستەدا خەریكی قیڕتاوكردنی ئەو گەڕەكانەین و كاركردنی تێدا لە قۆناغی كۆتایدایە . ئەمیر فاخر ووای ووت",
بەڕێوەبەری شارەوانی سۆران موژدە بە خەڵكی سۆران دەدات و دەڵێ" هەموو هەوڵێك دەدەین بۆ جەژنی رەمەزان كاركردن و قیڕتاوكرنی گەڕەكەكانی سوران كۆتای پێبێنین و لە مەودووا دانیشتووانانی ئەو گەڕەكانە لە خراپی رێگا و بانەكانیان دەحەسێنەوە .
ناوبراو ئاشكرای كرد " وەك شارەوانی سۆان دەرخەستەكمان بۆ گەیاندنی خزمەت گوزاری قیرتاو و ئاو و ئاوەڕۆ بۆ حەوت گەڕەكی تری سۆران ئامادە كردووە كە بڕیار وایە لە لەگەڵ پێكهێنانی كابینەی نوێی حكومەت پڕۆژەكان بچنە واری جێبەجێكردن .
شایەنی باسە، قەزای سۆران لە رووی كارگێڕیەوە سەر بە پارێزگەی هەولێرە و بە دووری 110 كم لە باكووری رۆژهەڵاتی شاری هەولێر هەڵكەوتووە، 38 گەڕەكی هەیە و نزیكەی 200 هەزار كەسی تێدا دەژی .

 

زۆرترین بینراو