لە سۆران سەدان كارمەندی بەرگری شارستانی بەدووای دوو تەرمدا دەگەڕێن

لە سۆران سەدان كارمەندی بەرگری شارستانی بەدووای دوو تەرمدا دەگەڕێن

موڕشید برادۆستی – سۆران: تیمەكانی بەرگری شارستانی سۆران ماوەی مانگێك زیاترە بەدووای دۆزینەوەی دوو تەرمدا دەگەڕێن كە لە رووبارەكانی ناوچەكەدا خنكاون و ئەمڕۆ گەورەترین پڕۆسەی گەڕان بۆ دۆزینەوەیان دەست پێكراوە .
رائید بەیار باڵەكی گووتەبێژی بەڕێوەبەرایەتی بەرگری شارستانی سۆران بە زاری كرمانجی راگەیاند" كاتژمێر 8ی بەیانی ئەمڕۆ، گەورەترین پرۆسەی گەڕان دەست پێ كراوە بە مەبەستی دۆزینەوەی هەردوو تەرمی ونبووی خنكاوەكان كە پێكهاتوون لە ( فەرمان غەفوور ) و ( عەبدولباست یونس )ی تەمەن 10 ساڵان .
زیاتر گووتی " 150 كارمەند لە 17 بنكە و بەڕێوەبەرایەتیشمان بەشدارن لە پڕۆسەی گەڕان و پشكنینەكە بەردەوامن و خەڵكی خۆبەخشیش دەتوانن لەم رووداوە هاوكار و بەشداربن لەگەڵمان .
گووتەبێژی بەرگری شارستانی سۆران ئاشكراشی كرد" بەدرێژایی ئاوی رووبارەكانی خەلان ییاوە، گەلی سرێشمە، ئاوی گەلی، كانی ماران، گەلی بێخاڵ، كاولۆكان، جوندیان، بەرزێوە، واركەون،بەرسرین، ڕوەوڕێزان، ڕووەوناوپردان،باسان، مەران، ئێنێ، وەك دوایەمین خاڵی كۆتای پشكنین و خاڵی شوێنی ڕووداو، بە ئومێدی بە ختێكی باش بۆ هە موو لایەك .
شایەنی باسە، لەماوەی دوو مانگی رابردوودا، 10 هاووڵاتی و گەشتیار لە ناوچە گەشتیار و رووبارەكانی دەڤەری سۆران خنكاون و تەرمی دوو لە گەشتیاران بە ئاوداچووە و تا ئێستا نەدۆزراوەتەوە و كەس و كاریان چاوەڕوانی تەرمەكانیان دەكەن .

زۆرترین بینراو