لە سۆران كەسانێك بە ناوی پزیشكەوە نەخۆش بەڕێ‌ دەكەن

لە سۆران كەسانێك بە ناوی پزیشكەوە نەخۆش بەڕێ‌ دەكەن

زاری كرمانجی-سۆران: پزیشكێك بۆ زاری كرمانجی ئاشكرای دەكات " لە سۆران كەسی وا هەیە بەبێ ئەوەی یەك رۆژ لە كۆلێژی پزیشكی خوێندبێت سكرتێرێكی بۆ خۆی داناوەو وەك پزیشكێكی هەناو خەڵك دەبینێت و نەخۆش بەڕێ‌ دەكات.
د. یوسف دۆسكی لەم بارەیەوە دەڵێت " لە سۆران كەمتر لە شەش پزیشكی پسپۆڕی هەناومان هەیە، ئەم پزیشكانەی پسپۆڕی نەخۆشییەكانی هەناون سەرەڕای ئەوەی بە نمرەیەكی بەرزەوە لە كۆلێژە پزیشكییەكان وەرگیراون و دە ساڵ لە زانكۆیی پزیشكییەكان خوێندویانە و زیاتر لە پێنج ساڵ دەوامی ناو نەخۆشخانەكانیان كردووە ئینجا رێگەیان پێدەدرێت كە وەك پزیشكی پسپۆری هەناو نەخۆش ببینن".
دەشڵێت "كەچی بەداخەوە 10 ئەوەندەی پزیشكە رێگەپێدڕاوەكان كەسانێك وەك پزیشكی ساختە و نایاسایی بەدیار دەكەون و بەبێ ئەوەی یەك رۆژ لە كۆلێژی پزیشكیان خوێندبێت سكرتێرێكیان بۆ خۆیان داناوەو وەك پزیشكێكی هەناو خەڵك دەبینێت و نۆرەی نەخۆشەكانیان زۆر لە پزیشكەكانی پسپۆری هەناو زیاترە".