لە سیدەكان باس لە مەترسییەكانی مادە هۆشبەرەكان كرا

لە سیدەكان باس لە مەترسییەكانی مادە هۆشبەرەكان كرا

زاری كرمانجی-سیدەكان: ناوەندی سیدەكانی یەكێتی ئافرەتانی كوردستان، سیمینارێكیان لەسەر مەترسی ماددە هۆشبەرەكان بۆ بەرپرسی ئەنجوومەنی ئافرەتانی قەزای سۆران سازكرد.
ئاواز شێرزاد، بەرپرسی ناوەندی سیدەكان سەربە ئەنجوومەنی قەزای سۆران یەكێتی ئافرەتانی كوردستان، بەزاری كرمانجی راگەیاند "رۆژی پێنج شەممە 11-7-2019 بە ئامادەبوونی دام و دەزگا حكومی و حیزبی و رێكخراوەكان و ژمارەیەكی بەرچاو لە ئافرەتانی سنووری چالاكیمان، هەستاین بە سازدانی سمینارێك بۆ (نازەنین عەزیز) بەرپرسی ئەنجوومەنی ئافرەتانی قەزای سۆران، سەبارەت بە مەترسییەكانی بەكارهێنانی مادە هۆشبەرەكان".
لەلایەن خۆیەوە نازەنین عەزیز، بە زاری كرمانجی گوت "ئامانجمان هۆشیار كردنەوەی تاكەكانی كۆمەڵگایە بەرانبەر پلانی دوژمنان، ئێستا مادەی هۆشبەر ئامرازێكی مەترسیدارە بەدەست نەیارانی گەلەگەمان كە هیچی كەمتر نییە لە ئەنفاڵ و زیندە بەچاڵكردن، دوژمنانی گەلەكەمان دەیانەوێ سەرچاوەی مرۆیی لە هەرێمی كوردستان لە ناوببەن، بۆیە ئەركە هاووڵاتیانمان لە مەترسییەكانی ماددەهۆشبەرەكان هۆشیار بكەینەوە.

زۆرترین بینراو