لە سێ رۆژی جەژن 15 هەزار گەشتیار روویان لە دەڤەری سۆران كردووە

لە سێ رۆژی جەژن 15 هەزار گەشتیار روویان لە دەڤەری سۆران كردووە

موڕشید برادۆستی - سۆران: لە ماوەی سێ رۆژی جەژنی رەمەزاندا, هەزاران گەشتیاری نێو خۆی و بیانی روویان لە ناوچە گەشتیاریەكانی دەڤەری سۆران كردووە .

سنووری سۆران رێژەیەكی زۆری ناوچەی گەشتیاری لە خۆ دەگرێت و دیارترینیان گەلی عەلی بەگ، بێخاڵ، شنگلبانە ، جوندیان، كۆڕەك تەلەفریك، سەكران، پڕژێ، زرارا ، گۆمی فێڵاو ئەمانە و دیان ناوچەی دیكەی گرنگی گەشتیاری هەیە و لەسەر ئاستی كوردستان و تەنانەت عێراقیش ناسراون .

بارزان محەمەد بەڕێوەبەری گەشت و گوزاری سۆران بە زاری كرمانجی راگەیاند" بە هاوكاری و هەماهەنگی خاوەن ناوچە گەشتیاری و دام و دەزگا ئەمنی و پەیوەندی دارەكان بە پلانێكی تۆكمە ئامادەكاریمان بۆ هاتنی گەشتیاران كردبوو .

زیاتر گووتی" هەرچەندە جەژنی رەمەزانی ئەمساڵ, بەشێك لەقوتابیانی قوتابخانە و كۆلیژ و پەیمانگاكانی عێراق و كوردستان تاقی كردنەوەی كۆتای ساڵیان هەبوو، ئەمەش تاڕادەیەك كاریگەری هەبووە لە سەر چوونە دەرەوەی خەلك و هاتنی گەشتیاران، بەڵام لەماوەی تەنها سێ رۆژی جەژندا سەرووی 15 هەزار گەشتیار روو لە ناوچە گەشتیاریەكانی دەڤەرەكەمان كردووە، كە پێكدێن لە گەشتیاری باشوور و ناوەڕاستی عێراقن، خەلكی پارێزگاكانی هەولێر، دهۆك، سلێمانی و هەڵبجە و گەرمیان و بەشێكیش لە وڵاتانی دراوسێ روو لە ناوچەكەمان دەكەن و هەما هەنگی باشمان لەگەڵ گڕووپاتی گەشتیاری و كۆمپانیاكانی ئەو بووارە كردووە بۆ هێنانی گەشتیاران و لە ماوەی دوو رۆژی داهاتوو رێژەی گەشتیاران بۆ 25 هەزار بەرز دەبێتەوە .

گووتیشی " نەمانی شەڕی داعش و هەڵگرتنی پاشەكەوتی موچە و باش بوونی دۆخی ئابووری عێراق و كوردستان هۆكارێكە بۆ زیاد بوونی رێژەی گەشتیاران لەگەڵ ئەمەشدا لەبارەی كەش و هەوا و ئەو ئارامیەی لە دەڤەرەكەمان هەیە هۆكارێكی ترە بۆ راكێشانی گەشیتاران .

بەهۆی هەڵكەوتەی جیوگرافیای دەڤەری سۆران كە هەر چوار قەزای سۆران، مێرگەسۆر، رواندز چۆمان بە تەواوی شارەدێیەكانیشەوە پێكدەهێنێت، پڕە لە ناوچەی گەشتیاری و سەیرانگای دڵڕفێن، خەلكێكی زۆر لە وەرزی بەهار و جەژن و بۆنەكان رووی تێدەكەن

.

 

 

 

 

 

 

زۆرترین بینراو