لە شوێنە گەشتیارییەكان دەست بەسەر خۆراك و كاڵای ماوە بەسەرچوو داگیرا

لە شوێنە گەشتیارییەكان دەست بەسەر خۆراك و كاڵای ماوە بەسەرچوو داگیرا

زاری كرمانجی-سۆران: لیژنەی ئابووری قائیمقامیەتی قەزای سۆران، بە هەماهەنگی لەگەڵ ئاسایش و بەڕێوەبەرایەتی ناحیەی خەلیفان، هەڵمەتێكی پشكنین و چاودێری كردنیان، بۆ شوێنە گەشتیارییەكان سنوورەكە ئەنجامدا.
رێبوار مەحموود، بەرپرسی لیژنەی ئابووری قائیمقامیەتی قەزای سۆران، بە زاری كرمانجی راگەیاند " لەم چەند رۆژەی رابردوو تیمی لیژنەی ئابووری سۆران لەژێر چاودێری قائیمقامی قەزای سۆران و بە پشتیووانی ئاسایشی ناوشار، لە هەڵمەتێكی چاودێری و پشكنین بۆ شوێنە گەشتیارییەكانی سنوری سۆران و خلیفان بە هەماهەنگی لەگەڵ بەڕێوەبەری ناحیەی خەلیفان پشكنینن بۆ (15)شوێنی گەشتیاری لەگەلی علی بەگ و كانی ماران ئەنجامدرا".
گووتیشی " لەم هەڵمەت و پشكنینانەی لێژنەكانمان دەست بەسەر برێك خۆراك و كاڵای ماوە بەسەرچوو داگیرا، چەندین خاوەن كاریش ئاگادار كرانەوە كە سەردانی ئۆفیسی سەرەكی لیژنەی ئابووری سۆران بكەن، بەمەبەستی سزاو پێدانی رێنمایی".

زۆرترین بینراو