لە قەسرێ 60 خێزان ماڵەكانیان جێهێشتووە

لە قەسرێ 60 خێزان ماڵەكانیان جێهێشتووە

لە سنووری ناحیەی قەسرێ لەبەر پەكەكە و بۆرودمانی توركیا 60 خێزان ماڵەكانی خۆیان جێهێشتووە، كارەبای دۆڵی باڵەیان بە تەواوەتی پچڕاوە، زیانێكی زۆریش بە رێگاو بانەكان كەوتووە.
شاخەوان حوسێن، بەڕێوەبەری ناحیەی قەسرێ بۆ ماڵپەڕی زاری كرمانجی گوتی:" شەوی رابردوو فڕۆكە جەنگییەكانی توركیا چەند گوند و ئاواییەكی سنووری قەسرێیان بۆردومان كرد، بەو هۆیەوە زیانێكی زۆر بە خانووی خەڵكی گوندەكانی ناوچەكە كەوتووە، جگە لەوەی تۆڕی كارەبای دۆڵی باڵەیان پچڕاوە، لەگەڵ تێكدانی رێگای سەرەكی دۆڵی باڵەیان كە چەند گوندێك پێكەوە دەبەستێتەوە.
بەڕێوەبەری ناحیەی قەسرێ ئاماژەی بۆ ئەوەشكرد:" بەهۆی بۆردومانەكەوە 60 خێزان ناوچەكانی خۆیان بەجێ هێشتووە، بە دەیان خێزانی دیكەش لە دڵەڕاوكێدا دەژین، بۆردومانەكەش لەبەر پەكەكە بووە و ئۆتۆمبێلێكی پەكەكە كراوەتە ئامانج و زیانێكی زۆریش بەر ئەوان كەوتووە.

زۆرترین بینراو