لە مێرگەسۆر بڕوانامە بەسەر بەشداربوانی خولی رۆژنامەوانی زاری كرمانجی دابەشكرا

لە مێرگەسۆر بڕوانامە بەسەر بەشداربوانی خولی رۆژنامەوانی زاری كرمانجی دابەشكرا


زاری كرمانجی- مێرگەسۆر: دوای كۆتایی هێنان بە 23 هەمین خولی رۆژنامەوانی دەزگای زاری كرمانجی، كە ژمارەیەك لە كچ و كوڕانی سنووری قەزای مێرگەس بەشداریان كردبوو، بڕوانامەی سەرەكەوتنیان لەخولكە پێدرا.
محەمەد رەشید، رێكخەری خولەكە بەزاری كرمانجی راگەیاند" دوای ئەوەی لەماوەی رابردوودا خولێكی رۆژنامەوانیمان بۆ ژماریەك لە كچ و كوڕانی سنووری قەزای مێرگەسۆر كردەوە، بە سەرپەرشتی دەزگای زاری كرمانجی، ئیسماعیل ئیبڕاهیم بەڕێوەبەری دەزگاكە، وەك مامۆستای خول، بۆ چەند رۆژێك لە هۆڵی قوتابخانەی یادی ناحكومی لە ناحیە گۆڕەتوو وانەكانی پێشكەش بە بەشداربووان كرد، لە خولەكە بنەماكان و چۆنییەتی دەستكەوتن و شێوازی دارشتنی هەواڵ و چۆنییەتی خۆ ئامادەكردن بۆ ئەنجامدانی راپۆڕت و دیمانە بۆ ئامادەبووان شیكرایەوەو (22) كچ و كوڕی دەڤەری مێرگەسۆر بەشداربوون".
محەمەد رەشید گووتیشی "دوای تەوابوونی خولەكەو سەركەوتنی بەشداربووان لەتاقیكردنەوەكان، ئەمڕۆ یەكشەممە 30-6-2019 لە رێوڕسمێكدا بەئامادەبووانی بەرپرسانی ئیداری و حیزبی و ئەمنی و دام و دەزگاكانی دەڤەرەكەو میوانان و كەناڵەكانی راگەیاندن و بەڕێوەبەرو ژمارەیەك لە كارمەندانی دەزگای زاری كرمانجی، بڕوانامە بەسەر بەشداربووانی خولەكە دابەشكرا.

زۆرترین بینراو