لە مێرگەسۆر هاووڵاتیان ناتوانن وەكو پێویست هاتووچۆ بكەن

لە مێرگەسۆر هاووڵاتیان ناتوانن وەكو پێویست هاتووچۆ بكەن

لە هەموو ناوچەكانی قەزای مێرگەسۆر بەفر باریوە، سەرەڕای خاوێنكردنەوەی رێگاوبانەكان لەلایەن تیمەكانی بەفر راماڵینەوە، بەڵام بەهۆی ئەوەی بەفر بارین بەردەوامە هاتووچۆ زەحمەت بووە و هاووڵاتیان ناتوانن وەكو پێویست هاتووچۆ بكەن.
هیوا ئەنوەر، بەرپرسی كەرتی سێی رێگاوبانی مێرگەسۆر بۆ ماڵپەڕی فەرمی زاری كرمانجی دیاركرد:" ئەمجارە لە هەموو ناوچەكانی سنووری قەزای مێرگەسۆر بەفر باریوە لە باڵندا تا شیوەز لە هەموو شوێنەكان بەفر باریوە.
بەرپرسی كەرتی سێی رێگاوبانی مێرگەسۆر گوتیشی:" رێگاكان دەكەینەوە، بەڵام بەهۆی ئەوەی بەفر بارین بەردەوامە، دوای نیو كاتژمێر رێگاكان دووبارە دادەخرێنەوە، بۆیە تا بەفر بارین بەردەوام بێت هاتووچۆ زەحەمەت دەبێت، بۆیە داوا لە هاووڵاتیان و شۆفێران دەكەین ئاگاداری خۆیان بن و ئەگەر كارێكی پێویست نەبێت هاتووچۆ نەكەن".

زۆرترین بینراو