لە مێرگەسۆر پڕۆژەی ئاژەڵی لە گەشەی بەرچاو دایە

لە مێرگەسۆر پڕۆژەی ئاژەڵی لە گەشەی بەرچاو دایە

زاری كرمانجی: بەڕێوەبەری كشت و كاڵی مێرگەسۆر رایگەیاند سەڕەرای بوونی رەوتنیاتی زۆر بۆ پێدانی مۆڵەتی پڕۆژەكانی بەخێو كردنی سامانی ئاژەڵی بەڵام رۆژانە هاووڵاتییان داوای رێ پێدان بۆ پڕۆژەی زیاتر دەكەن.
بە پێی ئامارەكانی كشت وكاڵی مێرگەسۆر، زیاتر لە 100 پڕۆژەی بەخێو كردنی پەلەوەر لە سنووری مێرگەسۆر هەن و رۆژانەش هاووڵاتییان داوای زیاتر پێشكەش دەكەن هەم بۆ پڕۆژەی نوێ هەمیش بۆ گەشە پێدانی كێڵگەكانیان، محەمەد مێرگەسۆری لەمبارەوە بە زاری كرمانجی گووت" كێڵگەكانی بەخێو كردنی پەلەوەر لە سنووری قەزای مێرگەسۆر ساڵانە زیاتر لە 7500 تەن گۆشتی سپی بەرهەم دەهێنن، هەروەها دوو پڕۆژەی هێلكەش لە سنوورەكەمان هەیە، لەگەڵ پرۆژەیەكی هەڵهێنانی جوجكە".
ئاماژەی بەوەشدا " زیاتر لە 100 هزار سەر مەڕ و بزن و چێل و گا لە سنوورەكەمان هەیە، كە بڕێكی زۆری بەرهەمی شیرەمەنی لێ بەرهەم دەهێندرێت، بۆیەش پڕۆژەیەكی بەرهەمە شیرییەكان لە سنوورەكەمان لە جێبەجێ كردن دایە، بە تەواو بوونی ئەم پڕۆژەیە خزمەتێكی باشی ئەم بوارە دەكرێت".
بەڕێوەبەری كشت و كاڵی مێرگەسۆر گووتیشی " 16 هەزار كوورەی هەنگمان هەیە".

زۆرترین بینراو