لە پیرمام تاسە نا یاسایەكان لادران

لە پیرمام تاسە نا یاسایەكان لادران

محەمەد ئامۆكەیی
لە زۆربەی شارەكان دروستكردنی تاسە خەریكە دەبێتە دیاردە لە لایەن هاووڵاتیانەوە، ناحیەی پیرمامیش بێ بەش نیە لەو دیاردەییە، زۆری تاسەی نایاسایی شارەوانی ئەو شارەی ناچار كرد هەڵمەتێكی فراوان دەست پێ بكات بۆ لادانی سەرجەم ئەو تاسانەی لە كوچەو كۆڵانەكان دروستكرابوون.
رەوەند قادر، سەرۆكی شارەوانی پیرمام، بە زاری كرمانجی راگەیاند" دوای ئەوەی خەڵكێكی زۆر لە رێگەی پەیجی شارەوانی گازندەیان لەوە دەكرد كە تاسە زۆربووە بۆیە بڕیاری ئەوەمان دا لەگەڵ بەرێوەبەرایەتی ناحیە دەست بكەین بە لادانی تاسەكان كە هۆكارێك بوون بۆ ناشیرینكردنی شارەكەو دروستبوونی جەنجاڵی، تەنیا ئەو تاسانا نەبن كە لە لایەن تیمەكانی شارەوانی بۆ سەڵامەتی گیانی هاونیشتیمانیان دروستكراون لە بەردەم قوتابخانەو بنكە تەندروستی و شوێنە گشتییەكان.
سەرۆكی شارەوانی پیرمام ئەوەشی گووت" لەو هەڵمەتەدا كە هەموو كۆچەو كۆڵانەكانی گرتەوە لە نزیكەوە ئاگاداری خەڵكمان كردەوە لەوەی دووبارە تاسە دروست بكەنەوە لێیچینەوەی توندیان لەگەڵدا دەكرێت. داواش لە براو خوشكە شوفێرەكان دەكەین لە كاتی لێخوڕینی ئۆتۆمبێلەكانیان پابەندی یاساكانی هاتووچۆبن و خۆیان دووربگرن لە تیژ لێخوڕین.

زۆرترین بینراو