لە پەرلەمانی كوردستان باس لەكێشەو گرفتەكانی قوتابخانەو خوێندنگا ئیسلامییەكان دەكرێت

لە پەرلەمانی كوردستان باس لەكێشەو گرفتەكانی قوتابخانەو خوێندنگا ئیسلامییەكان دەكرێت

زارى كرمانجى-هةوليَر:

وەیسی سەعید وەیسی، بڕیاردەری لیژنەی ئەوقاف و كاروباری ئایینی پەرلەمانی كوردستان لە فڕاكسیۆنی پارتی دیموكراتی كوردستان، رایگەیاند " بۆ زیاتر لە نزیكەوە گفتوگۆ كردن لەسەر كێشەو گرفتەكانی قوتابیانی قوتابخانەو خوێندنگا ئیسلامییەكان و هەڵگرانی بڕوانامەی زانستیی و وەرگرتنیان لە زانكۆو پەیمانگەكان، هەروەها چارەسەر كردنی كێشەی ژمارەیەك مامۆستایانی ئایینی هەڵگرانی ماستەرو دكتۆرا كە لە دەرەوەی كوردستان، كە بەبێ‌ مۆڵەتی خوێندن بڕوانامەیان بەدەست هێناوە، لەگەڵ پرسی نازناوی زانستی مامۆستایانی ئایینی و فەرمانبەرانی وەزارەتی ئەوقاف، بە ئامادەبوونی وەزیرانی خوێندنی باڵاو توێژینەوەی زانستی و پەروەدە و ئەوقاف و كاروباری ئایینی، رۆژی دووشەممەی داهاتوو 7-12-2020 كۆبوونەوەیەك لە پەرلەمانی كوردستان بەڕێوەدەچێت".
گووتیشی " بەدڵنیایەوە كۆبووەنەوەكە دەرئەنجامی باش و بایەخداری دەبێت، بۆ زیاتر بەرەوپێش بردنی خوێندنی ئیسلامی لە هەرێمی كوردستان و چارەسەركردنی كێشەو گرفتەكانی قوتابی و مامۆستایان، چونكە ئەركی ئێمەیە لەم بوارەدا رۆلی خۆمان بگێڕین، لەگەڵ لایەنە پەیوەندیدارەكانی حكوومەت، هەوڵی چارەسەركردنی كێشەكانیان بدەین.

زۆرترین بینراو