لە چامپیۆنزلیگ ریال و مانستی لە دەروەی یاریگەی خۆیان براوە بوون

لە چامپیۆنزلیگ ریال و مانستی لە دەروەی یاریگەی خۆیان براوە بوون

زاری كرمانجی- ئاژانسیە هەواڵییە وەرزشییەكان: لە میانەی یارییەكانی قۆناغی دووەمی خولی یانە پاڵەوانەكانی ئەوروپادا، یانەی ریاڵ مەدرید بووە میوانی یانەی ئەتڵەنتاو یارییەكەشی بە ئەنجامی گۆڵێكی بێ وەڵام لە یانەی خاوەن یاریگە بردەوە.
لە نیوەی یەكەمی یارییەكەو لە خولەكی 17 ناوبژیوان یاریزانی یانەی ئەتڵەنتا ریمۆ فریلیەری بە كارتی سوور كردە دەرەوەی یاریگە، بە هۆی كەمی ژمارەی یاریزانەكانیەوە ئەتڵەنتا بە ناچاری گەڕانەوە نیوە یاریگەی خۆیان تا لە خولەكی 86 فێرلاند مێندی گۆڵی پێشكەوتنی بۆ یانەی ریاڵ مەدرید تۆماركردو یارییەكەش بەو ئەنجامەو لە بەرژەوەندی یانەی ریاڵ مەدرید كۆتایی هات.
لە هەمان قۆناغ و لە یارییەكی دیكەدا یانەی مانچستەر سیتی رووبەڕووی یانەی بڕوسیا مونشن گلادباخ ئەڵمانی بووەوەو توانی لە نێو یاریگەی ئەو یانەیەدا یارییەكە بە ئەنجامی دوو گۆڵی بێ وەڵام بباتەوە، گۆڵی یەكەم بێرناندۆ سیلڤا لە خولەكی 29ی یارییەكەدا تۆماریكردو لە خولەكی 65 گابرێل جیسۆس دووەم گۆڵی بۆ تیمەكەی گواردیۆلا تۆماركرد. 
بڕیارە یاری گەڕانەوەی هەردوو یارییەكە لە 16ی مانگی داهاتو ئەنجام بدرێت و ئەركی هەردوو یانەی ئەتڵەنتاو بڕوسیا مەنشن گلادباخ بۆ یاری گەڕانەوە ئاسان نابێت.

 

بابەتى پەیوەندیدار وەرزشى

زۆرترین بینراو