لە چۆمان 832 قوتابی لە 16 هۆڵ تاقیكردنەوەكانیان دەستپێكرد

لە چۆمان 832 قوتابی لە 16 هۆڵ تاقیكردنەوەكانیان دەستپێكرد

 

زاری كرمانجی_چۆمان: لە سنووری بەڕێوەبەرایەتی پەروەردەی چۆمان، 832 قوتابی پۆلی 12 ی ئامادەیی (زانستی-وێژەیی) دەستیان بە تاقیكردنەوكانی كۆتایی ساڵ كرد.
چەتۆ ئەحمەد، بەڕێوەبەری پەروەردەی چۆمان بە زاری كرمانجی راگەیاند: لە سنووری بەڕێوەبەرایەتییەكاماندا 832 قوتابی لە 16 هۆڵی ئامادەكراو دەستیان بە تاقیكردنەوەكانی كۆتایی ساڵ كرد و تەواوی ئامادەكارییەكانی ئەمنییەت و پێداویستییەكانی خۆپارێزی لە ڤایرۆسی كۆڕۆنا گیراونەتەبەر.

گووتیشی: لە سەنتەری قەزای چۆمان و ناحیەكانی دەوروبەری تەواوی ئامادەكاری كراوە و ئەمڕۆ بەبێ هیچ گیروگرفتێك قوتابیان روویان لە هۆڵەكان كرد و دەستیان بە تاقیكردنەوەكان كرد، بێگومان ئەو هۆڵانە دوێنێ لەلایەن بنكەكانی بەرگری شارستانی بە سووپاسەوە بە دەرمانی دژە ڤایرۆسی رشێندراون، جگە لەوەش ژمارەی قوتابیان لە هۆڵەكان زۆر كەم داندراون بۆ ئەوەی دووربن لە یەكتری و هەموویان بە دەمامك و دەستكێش و بەپێی رێنمایی تەندروستی و وەزارەتی پەروەردە دەستیان بە تاقیكردنەوەكان كردووە، ئەمەش بۆ خۆپارێزیی لەم پەتا جیهانییە و هیوای سەركەوتن بۆ قوتابیانی خۆشەویست لە سنوورەكەمان دەخوازم.

زۆرترین بینراو