لە یادی راگواستنی باڵەکایەتی ڕێز لە هونەرمەندان گیرا

لە یادی راگواستنی باڵەکایەتی ڕێز لە هونەرمەندان گیرا

محەمەد ئامۆکەیی- چۆمان:
لە یادی 41 ساڵەی هەڵمەتی راگواستنی خەڵکی باڵەکایەتی لە قەزای چۆمان، رێز لە چەند هونەرمەندێک گیرا.
ئەحمەد قادر، قایمقامی قەزای چۆمان، بۆ زاری کرمانجی گووتی" هەمیشە باڵەکایەتی لانەی شۆڕەش و بەرخودان بووە و بەدرێژای مێژووش رژێمە یەک لەدوا یەکانی عێراق، بگرە وڵاتانی دراوسێش ستەمیان لەو دەڤەرە کردووە، لە ساڵی 1978رژێمی بەعس ویستی هەڵمەتێکی فراوانی راگواستنی خەڵکی رەسن دەست پێبکات، بەڵام خۆشبەختانە ئەو هەڵمەتە نەك نەیتوانی ئامانجەكانی بپێكێت بەڵكو رق و كینەی رۆڵەكانی ئەو دەڤەرەی بەهێزتركرد، بەرەنگار بوونەوە و تەحدای مانەوە بڵێسەی سەند، هەموو پیلانە دوژمنكاریەكانیان هەرەسی هێنا.
قایمقامی چۆمان ئەوەشی گووت" بۆ رێزلێنان لە بەرگری و خۆڕاگری بۆ مانەوە، ئەمڕۆ ڕێزمان لە بەشێك لە حەیرانبێژ و گۆرانی بێژ و كلتوور دۆستانی دەڤەرەكەمان گرت، ئەمەش وەك سیمبولێك بۆ هەموو چینوتوێژەكان كە بۆ مانەوەیان تێكۆشاون و لەسەردەمی شاخ حەیران و لاوکیان بەسەر قارەمانیەتی پێشمەرگە گووتوە.

زۆرترین بینراو