لە67 مین ساڵیادی دامەزراندنی ڕێكخراوی یەكێتی قوتابییانی كوردستاندا


هەر وەك لە دونیا باوە كە توێژی قوتابییان بە یەكێك لە توێژە هەرە كاریگەر و گرنگەكان دادەندرێت و زۆربەی پێشكەوتن و هۆشیاری شۆڕەشەكانی ناو كۆمەڵگەش لەسەر دەستی قوتابییان هاتۆتە ئاراوە، هەر بۆیەش بەهۆی هەستكردن بەگرنگی و بایەخی قوتابییانی كوردستان لەناو سەركردایەتی و مەكتەبی سیاسی پارتی دیموكراتی كوردستان بیر لە دامەزراندنی رێكخراوێكی تایبەت بە قوتابییان كرایەوە، تا قوتابییانی كوردستانیش لە رێگای رێكخراوێكەوە داواكانیان ئاراستەی لایەنی پەیوەندیدار بكەن، بەمەبەستی بەدەستهێنانی ماف و ئازادیییەكانیان، هەر لە سۆنگەی هەستكردن بە ڕۆلی قوتابییان لەبزاڤی رزگاری خوازیدا ئەوە بوو لە رۆژی 18ی شوبات 1953 رێكخراوی یەكێتی قوتابییانی كوردستان لەسەر بریاری كۆنگرەی سێیەمی پارتی دیموكراتی كوردستان لەسەردەستی بارزانی نەمر دامەزرا، دوای ئەوە ئەم رێكخراوە رۆژ دوای رۆژ و بەردەوام داكۆكی لەمافەكانی قوتابییان كردووەو هەمیشە خۆی بەخاوەنی چارەسەر كردنی كێشەكان و پێویستییەكانی قوتابییان زانیوە، هەروها بۆ مافە نەتەوەیی و نیشتیمانییەكان هەمیشە لە پێشەنگێكی هەرە پێشەوەی بەرگریكردن و تێكۆشان بووە، گومانی تێدانیە ئەم رێكخراوە لەلایەكی ترەوە بۆتە قوتابخانەیەك بۆ پێگەیاندنی كادیر، تەنانەت كادیری یەكێتی قوتابییانی كوردستان بوو توانی بگات بە گەورەترین پلەی دەسەڵات، ئەمە جیا لەوەی چەندین كادری تر لە زۆربەی جومگەكانی تری ئەمڕۆی حكومەت و حزب دا هەن و هەندێكیشیان وەك نوێنەرایەتی حكومەتی هەرێم لە دەوڵەتانی دەرەوە كار دەكەن، بۆیە بۆ هەر یەك لە ئێمەی كادیر لە یەكێتی قوتابییانی كوردستان بۆ ئەمڕۆ داهاتووی تەمەنیان شانازییەكی گەورەیە كە شانسی ئەوەمان هەبوو بێت لەم رێكخراوە دەستپێكی یەكەم كاری ڕێكخراوەییمان بووبێت، لێرەشەوە وەك هەمیشە و بەردەوام بەڵێن دووپات دەكەینەوە كە قوتابی و كادرێكی بە وەفا و بە ئەمەكی سەركردەو دامەزرێنەری رێكخراوی یەكێتی قوتابییانی كوردستان بین، خزمەتمان بۆ گەڵ و هەڵوێستمان بۆ نیشتیمان و مافە نەتەوەییەكان نەگۆڕە، هەر بە بۆنەی ‌67ەمین ساڵیادی دامەزراندنی رێكخراوی یەكێتی قوتابییانی كوردستان بەناوی خۆمان و هەڤاڵانمان لە لقی مێرگەسۆری .ی.ق.ك پیرۆزباییەكی گەرم لە قوتابییانی سنوورەكەمان دەكەین و بە دڵنیاییەوە یادی 18ی شوبات وەك هەمیشە بەچالاكی جۆراوجۆر بە بەرزەوە رادەگرین.
سالم عیسا مەحموود
بەرپرسی لقی مێرگەسۆری یەكێتی قوتابییانی كوردستان

 

بیروڕا

زۆرترین بینراو